آه يا وطن !
آه يا وطن
خلا الصبي شايب !!
حبك فى قلبي سكن
وحبي فى قلبك
على طول المدا غايب
وياما قاسيت وياك
وياما صبرت فى المحن
ولا أتوب عن حبك
حتى لو نطق
لساني تايب
مغرور فى الهوى بيك
وإن كانت ضحكتي شجن
وغلطان اللى يكره قسوتك
حتى لو كان الكلام صايب
حد يكره تراب منه إتخلق
واتمزج بدمه مية نيله
وإتكتب هواه على جبين الزمن
ويقول شبابى
فى الوطن شايب
يا مصر !!!
يا مصر
التاريخ.كاتب قصتي معاكى من زمن
شبابي فى هواكي شاب
وأنا فى هواكى صبي
حتى لو كان الراس شايب
آه يا وطن
خلا الصبي شايب