الصاحب اللي مايجــي منـــه تقصير
يبقى بعينـــي دوم راعي طويله
ادمح له الزلــــه واســـــوق المعاذير
وارضيه وارضى عنه لاجات ميله
باعلا سمـــــاي ينـوض برقه تباشير
مثل المطـــر يرعد وعيني تخيله
مجلسه في صدري عــلوم ومسايير
ومشب جمر يفوح بالوصل هيله
وان غاب له في وسط الاضلاع تقدير
وامـــوت مابعــت الأخـــــوّه بليله
ارقى به العليــــــا وادلـه على الخير
وانهاه عن كــــل الدروب المعيله
ولا احتاجني وقت العسر والمعاسير
يبشر بعزه وكل ما املك حصيله
لو المراجــــــل تعتــــرف بالمخاسير
ماشفت لك رجّـال يفعــل جميله
الحــر ينصى الحـــر و الغيــر له غي
ولامن عوى ذيب الذياب تعوي له
والبنـدق من البنـدق الصايب تغير
والخيل فالميـدان تسمــع صهيله
مشكور وقتٍ سمنـــي بالتعــــابير
لا مات فيني شخص احيــا قبيله
كم ضاع من عمـــــري ليالي مغاتير
وكم ذاهبه جتني من الله عقيله
لا ضاق بي صـــدري افــك الازارير
واستنشق من القاف نسمه عليله
ادلي بدلــــــوالعرف في جمة البير
واحيي قلوب من الجهالة قتيله
درب العسر لو طال يعقبة تيسير
والنفس تصقلها الهموم الثقيله
والطيب له نفخات والشر له كير
والصدر تشرحه آيتين رتيله
والمخلب اللي مايشبّعـــــك يـاطير
اقطعه من ســــاعـدك ينمـا بديله
قلوب الرجال مصندقـــه بالمسامير
وعند المواقف تعرف اللي تجي له
الله يعطيك العافيه
سلٍم لنآ هذآ الإبدآع
لك أرق التحآيآ وأعذبهآ
مع خالص مودتي
ياذكريآتي الجميله أبنثرك وأع‘ــيد ترتيبك
بشوف من نسى .. ومن جفـآآ.. ومن ضيعني وأنـآ بين أيـآديه ..
بصفي الذآكره من أشيـآء عقيمة
يمكن اغفى على رآحة البـــــآل واصبح على خير