منت بمثل غيرك سهالات لو راح
بدى بك القلب بغلا وانتهى بك
والفرقا مثل الموت نزاع الارواح
لكنها أهون عليّ ،،،، من عتابك
نعم اعتابك غير ،،،والشك ذباح
وأنا بشر ،،،، فيني ترى مثل مابك
وتوي امتعافي من هواجيس وجراح
ولااقدر أسمع مِنْك / قسوة جوابك
بقولها فالوجه ،،،، مليت أبرتاح
ومن أولٍ كنت أشكر الحظ جابك
كان التحدي نقلب احزانك افراح
وأغيّر افكارك ،،،، وأعالج صوابك
لأني أشوفك طير ،،، لكن بلا جناح
والحزن يقتل فيك ،،، زهرة شبابك