مإ كل من يركب ع إلخيل ... خيإل

ما كل من يركب على الخيل خيال
ولا كل خيل تعجبك هي أصيـله



ولا كل من يعجبك هرجه برجال


بعض العرب ملسون وأيده بخيله



الكل يلبس ثوب و شماغ وعقال
وعند اللزوم أفعالهم هي قليـله


الرجل تثبت له أقاويل بأفعال
لا قال شئ ونفذه هو دلـيله



والرجل لا شفته مع القيل والقـــال
ابعد عنه هذا صفاته عليلة



والكذب خله عنك ما فاد لو طال
قول الصدق يا صاح غنم وجميـله



وخلك شجاع وذي صفات للإبطال
اللي كما سيوف تبارق سليـله



واللي شراك اشريه لو كان بالمال
خلك معه وان مــــــال دور بديله


واصبر ترى الدنيا تبدل بها أحوال
وما كل شئ صافي تشـــــوفه تجيله



وبعد الكدر تشرب صفا عذب وزلال
هذا الزمن فيه استــــقامه وميله



وصاحب خليل لو جفـا الوقت ما مال
ترى الرجل يعرف بقيمة خليـله


واقفل على سرك بكتمان وأقفال
بعض العرب يسمع و ينوي بحيله



وخلك أمين إذا توليت الأعمال
من خان في يوم الحشر يا حليلة



خل التواضع فيك واضح بالأفعال
ترى الكبر يردي بيوم وليـله



ولا تحسد اللي عنده أموال وعيال
وش ينفعك لو كان حـــسدك يزيله



ولا تزور تقلب الزين بطـال
الله عليم بالنوايا الدخيلة



وخلك رزين ترى المخفه للأطفال
واصفح عن المخـــــطي ولو زاد قيله



واحمل همومك لو تزن وزن آلآثقال
بكره تروح وتنجلي لو ثقيلة



وصل الفروض ولا تنسيك آلآشغال
محدن في الدنيـــــا درى وش بقي له



وزور آلآقارب للرحم كون وصـــــال
وخلك عظيم الشأن وسط القبيلة



وصلاة ربي عد ماهل همـــــــــــــال
على النبي اللي صفـــــاته جليلة

الموضوع الأصلي: مإ كل من يركب ع إلخيل ... خيإل || الكاتب: كانت ذكريات || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

وصل الفروض ولا تنسيك آلآشغال
محدن في الدنيـــــا درى وش بقي له

زورق الشووق طرح في قمه الجمال
سلمت يمنااك على مجهودك

شكرا لروعة توآجدك

واصبر ترى الدنيا تبدل بها أحوال
وما كل شئ صافي تشـــــوفه تجيله
كلماااااااااااااااااااااااااااااااات تجننننننننننننننننننننننننننننننننن
تسلمي على هالطرح

يسلم لي توآجدك

تسلمين على روعة الاختيار والطرح
دوما متميزه
يعطيك الف عافيه

شاكره لك هالطله