الشكوى لله بين الكراتين

أحبتي في الله
السلام عليكم ورحمة الله وبركاته
الله يسعد مساكم بالخير والسرور وسمح الأمور
هو المساء وكل شي في المساء يستحق منا
رؤيته فنحن في أرض الله وتحت سماءه ونرجو
رحمته ونخشى عذابه الواصل كعادته يخرج
ويشطح وينطح والله يعينه على نفسه فهو الفقير
الى عفو ربه جل جلاله مدري وش عند القحم
بعد هذه المقدمه التي فيها خير أن شاء الله لنرى
مايحمله لنا وما يقبع داخل جعبته ؟


القحم الواصل : ربط حزامه وركب بغلته سدره وتقلد حسامه وعصب راسه وكأنه ذاهب لحرب ولا لحل معضله حصلت في احد الأوديه المسكونه والحقيقه كما سأشرحها لكم يا أحباب القحم انا بالفعل خرجت قاصداً وادي شوقب لحيث هناك مزارع لتربية الأبقار ومايميزها أنها محليه ولايوجد بينها مستورد سمعت عن صاحبة مزرعه أسمها (زهرة ايلول) يصفونها بالصدق والمهاوده في السعر فقررت أذهب اليها اشتري منها خبشه أو حسيله والأسمين لنوع واحد وهو صغيرة البقر من الأناث المفروض ما اترجم اخلي صاحبة الخبشه هي تترجم المهم مالكم بطول السالفه عند مشارف الوادي رأيت شي اللهم اجعله خير ؟


أقتربت واذا بي ارى كوم من الكراتين وبينها بنتي الشكوى لله ما اشوف الا شوشتها وهي تهل دموعها اربع اربع ياساتر يالله اقتربت اكثر خير يابنتي وش اللي اشوفه لايكون مهاجره من البلد ولا مطروده علميني وش اللي حصل تنهدت وقالت أه يابوي من اللي جرى لي كنت اسكن في مكان لكن غيجاره غالي ووجدت مكان أرخص وربطت عفشي كما ترى واختلفت مع صاحب اللوري ورماني انا وعفشي في هذا الوادي كما ترى فهل أجد منك المساعده على ما انا فيه ههههههه ضحكت ضحه الكترونيه وليس تكرونيه وقلت يابنت ليش ما اعطيتيني خبر علشان اكون معك من البدايه واوريك شغله هذا الزول الذي مايستحي يالله حصل خير خليني أشوف صاحبة الحوكه لها مزرعه قريبه من هنا وعندها دينا كبيره لنقل البقر من مكان لمكان وعساها تفزع معك وانا خابرها تحب تخدم وتعتبر القحم في مقام ابوها والله يسهل امري وامرك لاتبكين خلاص


الشكوى لله : تكفى يابوي لاتجيب دينة البقر تخرب علي عفشي وتلبق فيه الريحه وأنت تعرف ريحة الدمن صعب تخرج من العفش ههههههه مافيه اثناء الكلام الا وصاحبة الحسلان مقبله علينا حوكتها لها هفهفه ومشتره من النيم والطلح ولكن ماشاء الله عليها سلمت وقالت ياساتر وش اللي جاب ابوي القحم هنا ومن هذي أختي الشكوى لله وش اللي رماك في هذا الوادي وفين رايحه أبشري بالفزعه وابشري بالسكن أن كان تبحثين عن سكن عندي في المزرعه مكان مناسب للسكن ومكمل من كل شي وكراتينك هذي ربما ما تحتاجين منها شي والسياره موجوده ولايهمك طحتي في احضان أختك صاحبة الحوكه الحمراء


القحم : سبحان الله وش هذي الصدف كيف حصلت يلتقي القحم وبناته يا زهرة أنا جاي ابغا لي خبشه من الخبيش السمان ويكون لونها مثل لون حوكتك حمراء لن عندي مناسبه ويمدحون لحمها وانا أموت فيه وقبل ما اصل لمزرعتك شفت هذي الغلبانه تبكي وتولول وتهدد تقول لو كان عندي طبنجه كان اوصت الزول مسعد الذي لم يوفي بوعده ورماني هنا وهرب طيب انحلت المشكله جات الدينا والونش في ظهرها وحملنا عفش الشكوى لله ورحنا للمزرعه


زهرة ايلول : أرحبو حياكم الله حللتم اهلاً ونزلتم سهلاً مرحبا بأبوي وأختي تعالوا تفرجوا في السكن أن كان يصلح نزلنا العفش وان كان مايصلح دورنا غيره ذهبنا وشفنا تلك الفيلا المصغره التي تتربع في وادي شوقب وعلى ارقى طراز معماري شافتها الشكوى لله وكاد يغمى عليها همس لي قالت يابوي تكفى حلوه حلوه بس شف بكم اجارها حست فينا صاحبة أجمل حوكه وقالت مابكم وليش تتهامسون انا بنتك واختك علموني ان كان على الإيجار فهي لك ياحبيبتي خمس سنوات مجاناً وحتى الكهرباء لاتشيلين همها صعقت البنت من الخبر قالت جزاك الله خير يازهره ويا اجمل زهره اجل عفشي في اوديه الفيلا مكمله من كل شي حتى دولاب المطبخ راكب قالت مالكة الخبيش ولايهمك عندي مستودع خلف الفيلا وله باب يدخل على الفيلا ننزل العفش فيه ومتى ما حبيتي تاخذين شي شمري وانفلتي على المستودع وخذي حاجتك تسهلت الأمور الحمد لله


القحم : تطمنت على بتي وكراتينها ورجعت لشغلي مع تاجرة البقر يازهره الله يرضى عليك انا عندي مناسبه يوم السبت واحتاج حسيله بكر لم تعرف المراهقه بعد ولم تتعرف على الحسلان وش رايك اجد طلبي عندك قالت افا الا انا اللي عندي وعندي اكثر من خمسين حسيله كلها حسب ماوصفت طب وتنقى وترى قيمتها وصلت كيف ابوي واخذ منه قيمة خبشه افا والله حلالك كل مافي الزربه أخجلتني هذي البنت وش اسوي ياقوم الله يخلف عليها ويكثر خيرها شفتم كيف المكارم عند اهل الكرم ونعم فيك وفي اصلك حجزت طلبي وقالت سوف يصلك الى المطبخ يوم السبت تطمنت على ملكة الكراتين وشفت دموعها كفت ولم تعد تتساقط وخدودها حمرت فرحاً بالسكن وحباً في الوادي تركتهن وهن على صحن تمر ومعمول ودلة قهوة ورجعت من أجل اطمنكم على بناتي ونفسي ودمتم سالمين


انتبهن يابنات القحم لاحد يزعل ترو المقص بيشتغل وهو من
زمان ما اشتغل اللي تستغني عن براطمها تزعل وتودعها فوراً
اما براطمي بسم الله عليها لن افرد فيها


تروها وليدة اللحظه دون اعداد
وعيونكم تستاهل كل مافي جعبة القحم
حصريه لهبوب الجنوب

الموضوع الأصلي: الشكوى لله بين الكراتين || الكاتب: الواصل || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

الشكوى لله ,زهرة ايلول ,عروبة وطن ,امير بكلمتي و 2 آخرون معجبون بهذا

شجون الأمل ,النقاء