أبعتبر همي مجرد عجاجه

أضيق وأرسم من الضيق إبتساماتي
وأعلم القلب يطغى في إبتساماته
أبعد معاناة غيري عن معاناتي
وأستدرجه لين يشرح لي معاناته





كل هذا .. صار

والضيقه معاي

كل هذا .. صار

وعيوني وراي

ليه يا وقتي قسيت

ليه يا حزني بكيت

قال : أبسأل ؟





قلت : أسأل

جا سؤاله !! كيف تضحك وأنت ضايق ؟؟!!

قلت له : تبغى الصراحه ؟

قال : تكفى

قلت : تكفى طيب اسمع......









أحيان أمد الشوف و اقصر الشوف
ما بين صحوات الفكر و إرتجاجه


إن قلتلي ملقوف ماني بملقوف
لكـنْ وقتي حطني في مزاجه


خلا العنا في داخلي عشرة صفوف
و المشكله عقد بوجهي حجاجه


يحبني ضايق ومنهك و مخطوف
لو أبتسم يعلن علي إحتجاجه


يضغط على صدري و لا قلت له أوف
لأني أحس الأوف ضعف و سماجه


سنين ما سوَى معي أي معروف
وأنا أعدل ميلته و إعوجاجه


ماني على الضيقات شفقٍ وملهوف
أبعتبر همي مجرد عجاجه


مادام صدري يحسب جروحي ضيوف
بفتح شبابيكه وأرد إنزعاجه


يعني بفك حروف وأرتب حروف
وأكره أرافق شخص من شان حاجه


لي قلب قاموسه مسح كلمة الخوف
والضيق لازم ينحني لأنفراجه


بسافر بحلم الطموحات و آطوف
والليل يشعل في طريقي إسراجه


ليا متى بعلق الهم بظروف
والظرف يكسر مثل كسر الزجاجـه


ياهم بيدك سيف وبيديني سيوف
إن قالها الله فـ الطريق نتواجهه

الموضوع الأصلي: أبعتبر همي مجرد عجاجه || الكاتب: فاتن || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

بسمة امل ,ملكة الأحساس ,سَجَى ,ابن الجبل و 1 آخرون معجبون بهذا

عروبة وطن