هماهم

غنوا عن الشوخ والهجن والخيل
وانا مواويلي اقلب اكفوفي
الليل طال ولا هنيت التعاليل
هم ِ يقلبني وهم ٍ يحوفي
اسهر رفيق النجم والبن والهيل
وسيجارة ٍ دخانها يعمي شوفي
يالله يارجواي يامعدل الميل
فرجك يارب العباد وتروفي

تعال قلي وعطني العلوم وشصار
تعال خبرني كفا ما يجيني
الهم هدى في المحاني ولا طار
عشعش وغرد صوت الهموم فيني
لوعتني الفرقا ولا طايق الدار
يضيق صدري مقيداتٍ يديني
سادر وقلبي ينتقض نشوة الزار
مثل الذبيح وتسفح الدمع عيني
بي لوعة المشتاق وفي صدري النار
وبي لوعة الغربه وفاقد ضنيني
ياغايب عنا متى تجينا بمسيار
متى تطفي بي لواهب حنيني
تعال من عقب التباطي والامرار
تعال خبرني ولاادري صرت ويني

لا تدري
وان مرت بك اوجاعي قول ما شفتك
من بدري
سرت لك تشتكي من حر ماجاها
ماطاعني الجرح , يعاتبني اذا لمتك
خليته , وحيد يداوي العين من ماها
متمني
يسألني اذا بليل الامل طفتك
يصور لي كيف الورد بشفاها
اعادي انفاسي , اذا قال الهوى عفتك
اعادي الارض , اليا غاب ماطاها
مريت
تطويني دروب العمر ياحيف ما حفتك
ابغى عمر ثاني الى الثالث واتناها