ضيدان بن قضعان - على عيد إنكساري

على عيد انكساري في غرامك قبل تسع سنين
تذكّرتك وقلت آكلّمك والنية النية
آلو لبيه يأغلى من ذبحني قبل عام ألفين
و مِت ولا حييت إلاّ على ذكره وطاريّه
أحبك وين ما سجّت عيوني في الزمان الزين
وسجّجني الزمان إللي متاهاته خيالية
ولا سجّيت عن آخر لقا عطّارة البحرين
ودهن العود وأشياء الشيوخ البرجوازية
رعى الله كل يومٍ مرّنا ما قبل ذاك الحين
على ذمّة صُفى الأيام والأحلام وردية
يوم إنك تستحي تذكر إن عمرك وصل عشرين
وأنا ما طاب لي إلاّ ما ورى العشرين بشوية
ياحلو أحلامنا ومراهقتنا والبلا بعدين
كشفنا ضحكة أول حلمنا ودموع تاليّه
ولكن ما ندمنا، ليه؟ لأن العالم الحلوين
يعيشون الغلا وفق القوانين السعودية
عفا الله عن ملذات الهوا والعشق والتخمين
وسجّات الغرام ولذة الحب الحقيقية
فديتك يوم تاخذني معك ولا أدري وين
معك من وين ذعذع هواك ومالت الفيّة
غدينا كنّك الشاعر وأنا واحد من الغاوين
نهيم بكل واد من العليّا للعزيزية
وبعد ما فاتنا ركب الحياة وشفت شوف العين
مسارات الطريق والاتجاهات المصيرية
عرفت إن كل شيٍ له نهاية والنّيا والبين
مصير الشاعر إللي خانت أوزانه قوافيّه
خلاص اعزم على الفرقى ولا لك في رقبتي دين
ترى حنّا تعدّينا الخطوط الاستوائية
تفاهمنا على حسم الأمور وكلّنا راضين
وتوادعنا ما كن قلوبنا خضر و هواوية
ومع هذا عجزت أسج وأنسى وأترك المقفين
أغصب القلب لكن الغلا قدرة إلهية
أعن لكل ما في نجد حتى شارع الستين
وأحن إلا ذعذع الغربي على أهل الشرق عصرية
وإلا منّه سرى من كل ليلٍ حروة الثلثين
عرفت إن نسبة النسيان دون اثنين بالمية
وفكّرت آتبدوى مع أهل البل وأترك أهل الضين
يجوز البل تنسّي من تبعها عن مشاهيّه
وشريت الوضح لعل وعساي أسلى مع السالين
وقعدت أشد وأنزل في التهاتيه الخلاوية
ولكن ما تغير حال هذا أنت اتحداني
لين نويت أتم نصف الدين والنيّات مقفية
وخذيت من البنات الغيد وحدة وثنتين
عساي أسج عن طاري الهوا وطيوف غاليّه
لكن الوضع هو هو ما تغير والزمان يشين
وحبك كل يوم يزيد في العين الشقاوية
عسى ربي يعافيني ولا يبلاك قول آمين
تراني كنّي إللي واطيٍ له جمرةٍ حيّة
وتراني يوم أكلّمك فديتك عقب تسع سنين
ما غير أهيّض العبرات ولاّ النية النية

الموضوع الأصلي: ضيدان بن قضعان - على عيد إنكساري || الكاتب: الوافي || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

اسيرة اقداري ,عروبة وطن ,النايفة معجبون بهذا

ضيدان بن قضعان ماقصر صح لسانه وسلم بنانة
الف شكر الوافي على الانتقاء الجميل والمميز ..

لاعدم ..

الوافـي ,عروبة وطن معجبون بهذا

كعادتك تحسن اختيار الشيلات
كلماتها قوية

سلمت يمينك على ما نقلت لنا

الوافـي معجب بهذا

لا جديد سوى رائحة التميز استاذنا الواقي
تثور من هنا ومن خلال هذا الطرح
الجميل والمتميز ورقي الذائقه
في استقطاب ما هو جميل ومتميز

الوافـي معجب بهذا