دامي خسرتك ما أبي ذكرياتك

لحظه قبل لا تطلب البعد وتغيب
وتنهي معايه مرحله من حياتك

أخذ الهدايا والصور والمكاتيب
دامي خسرتك ما أبي ذكرياتك

يمكن يكون فراقنا رأيٍ مصيب
خيره .. كتبها الله جتني وجاتك

رح واترك بقلبي لك أربع معازيب
معزتك طاريك حبك غلاتك

وإن شفتني أجمع شتاتي .. ماهو عيب
باكر مع الأيام تجمع شتاتك

وإن شفتني شايل جروحٍ معاطيب
باكر يصير الجرح أبرز صفاتك

أكبر مصيبه في زمان العذاريب
إنّي أحبك وأنت حبك لذاتك

الطيب لو إنك تجازيه بالطيب
ماكان تالي الوقت هذي سواتك

يا صاحبي لا صرت أغلا الأصاحيب
لا تزعل بكيفك وتطلب رضاتك

أنا حبيبك مبعد الشوح مانيب
من صيّع جهاته .. يدور جهاتك

إن كان ماعديت روس المراقيب
ماني كفو أصلاً أنام في عباتك

شفني مقدر عند عكف الأشانيب
مانيب من تومي عليه بعصاتك

رح للفراق إللي تركنا مصاويب
شمّت اعداتي قبل تشمّت أعداتك

الله معك .. رح وين ماودك تغيب
هذي حياتك .. وأنت حر بحياتك

راقت لي

الموضوع الأصلي: دامي خسرتك ما أبي ذكرياتك || الكاتب: قمرهم كلهم || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

الوافـي معجب بهذا

أكبر مصيبه فـي زمـان العذاريـب
إنّـي أحبـك وأنـت حبـك لذاتـك
الطيب لـو إنـك تجازيـه بالطيـب
ماكان تالـي الوقـت هـذي سواتـك
^ هذا الي حاصل اغلب ايامنا هذي
شكرا لك وبارك الله فييك وسلمت يمناك ع النقل ..
وصـ ـح لسان شاعرهاا .. قصيده جميله معانيها اوضح من الشمس ..

تسسسلم الايـآدي
على روعه طرحك
الله يعطيك العافيه يـآرب

انتقاء ثري بالذائقه
سلمت ودام رقي ذوقك
بإنتظار القادم بشوق
لك كل الود

هنآآ يقف الكل احترآمآ لكم
على تميز هذا الطرح و روعته
لكم مني كل تقدير و احترآم
على تلك االمشاركة الرائعة

صقرالجنوب معجب بهذا