08-03-2019
|
#11
|
08-03-2019
|
#12
|
صاحب السمو خالد الفيصل ) المعاناة .
يا ليل خبرني عن أمر المعاناة
هي من صميم الذات ولا أجنبية
هي هاجس يسهر عيوني و لا بات
أو خفقة تجمح في قلبي عصية
هي صرخة تمردت فوق الأصوات
أو ونة وسط الضماير خفية
أو عبرة تعلقت بين نظرات
أو الدموع اللي تسابق همية
أعاني الساعة و أعاني مسافات
و أعاني رياح الزمان العتية
و أصور معاناتي حروف وأبيات
يلقى بها راعي الولع جاذبية
و لاني بندمان على كل ما فات
أخذت من حلو الزمان و رديه
هذي حياتي عشتها كيف ما جات
اخذ من أيامي و أرد العطية
..
|
|
|
09-03-2019
|
#13
|
الشاعر / سعد بن جدلان رحمه الله
ودنا بالطيب بس الدهر جحاد طيب
كل ما تخلص مع الناس كنك تغشها
يدك لامدت وفاء لاتحرى وش تجيب
كان جاتك سالمه حب يدك وخشها
كل ماشبيت نار المحبه مع حبيب
قام يسحل في مشاهيبها ويرشها
وكل ما واجهت لك فالزمن وجه غريب
مثل ماقال المثل دام تمشي مشها
وذمةٍ ماهيب تندار للحق المصيب
جعل قشاش الحطب لاسرح يقتشها
.
|
|
|
10-03-2019
|
#14
|
مقادير لصاحب السمو محمد عبدالله الفيصل
مقاديرياقلب العنا
مقادير وش ذنبي أنا
مقاديروتمضي حياتي
مشاوير واتمنى الهنا
على ميعاد حنا والفرح كنا
وكنا بعاد وعشنا على الأمل حنا
وكان الفرح غايب
وأثر الأمل كاذب
الا يا اهل الهوى كيف المحبه تهون
كيف النوى يقدر ينسي العيون
نظرة حنين وأحلى سنين
عشناها ياقلبي الحزين
..
|
|
|
10-03-2019
|
#15
|
الشاعره حصه هلال
فقيرة .. ومشهورة :
أنا .. فقيرة .. و .. مشهورة … و الشعـر و الصيـت يكفينـى
يكفيـك الألمـاس يـا نـوره … على ايش .. يعني تحسدينـي
فـي نعمـة الله ومـذكـوره … و على القصايـد .. اتغبطينـي
بيدينـك الجـاه .. وغـروره … و بيديني القـاف .. وايدينـي
كبدي مـن الهـم مفطـوره … و الدمـع يشـرب دواويـنـي
بالضيـم شيخـه وغنـدوره … و.. لا .. بنت تقدر .. تجاريني
لي حرف تضربنـي سطـوره … على الوجع ليـن .. تدمينـي
قضاني العمـر .. مكسـوره … و الهـم .. يطحـن جناحينـي
واقـول .. الآلام .. ماجـوره … وارجي عسى الحـظ يمدينـي
وإذا .. الزمن شح .. بسروره … مقبول .. ما .. ينقضي .. فيي
مالي عن البخـت وقصـوره … مالي عن اللـي .. مشقينـي
والمـوت .. لابـد لـه زوره … واللي وطى الخلـق واطينـي
والشعر . ودي من حضـوره … لامت .. الايـام .. تطرينـي
راع الأدب خالـد .. بــدوره … من قال .. الاحزان .. تغنيني
|
|
|
11-03-2019
|
#16
|
...
لا تحسب الأيـام دايم مريفه
بعض الليالي ما تجي لك على الكيف
كـم واحـدٍ راحـت حيـاته كسيفه
يوم اختـلط فيها شتاها مع الصيف
خالد_الفيصل
...
|
|
|
25-03-2019
|
#17
|
ابيات بدر بن عبدالمحسن
العمر أحبك
لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون أحبك.
..
|
|
|
30-03-2019
|
#18
|
الشاعر .. ضيدان بن قضعان .
- قصيدة سكر الخط
سكر الخط صبري وصل حده
أو تراجع لو الخاطر كسرته
صرت تلعب بقلب منت قده
غربلته الليالي وانت بورته
عقب ذيك المودة صرت ضد
ولو تجاهلت حبك ما نصرته
بين مزح الزمان وبين جده
لا قبلت الغرام ولا نفرته
كنت أقدر غلاك وكنت أوده
قبل ساعات لكني خسرته
حتما أنسى الغلا لو بعد مده
وإن ذكرته نسيته ما ذكرته
شيء عادي وسد الخط سده
يلعن الليل كان أني سهرته
ويلعن الحب ويلعن جد جده
انتهينا وسعيك ما شكرته .
|
|
التعديل الأخير تم بواسطة زهرة ايلول ; 30-03-2019 الساعة 12:22 AM
|
30-03-2019
|
#19
|
:
الشاعر المبدع محمد عبدالباري
قصيدة "كأنك لم"
وباسمكَ يجري بريدُ العزاء
وتجري المراثي
على كل فمْ
لأنك في الشمس ما لا يُرى
لأنك في الوردِ ما لا يُشمّ
لأنك كنتَ
كأن لم تكُنْ
ونازَع فيكَ الوجودَ العدمْ
أيا
حارس الوحي والانتظار
تأهب فميقاتك الآن تمْ
ستُبعثُ
من موتكَ المستحيل
لتصعدَ وحدكَ هذا الألمْ
ستصعد تصعدُ حتى تغيبَ
وتهبطُ حتى
(كأنكَ لمْ ...)
.
|
|
|
30-03-2019
|
#20
|
" حَمَدْ البرَيديْ "
شَفتك بعَد غيَبه .. وحاولتْ احاكيـكَ
مهوب من قلبي ولا مـن جراتهْ !
بغيَت اقول | فلانْ وازريـتْ اناديـك
وكني سمَعت اسمـي معـا لالتفاتـًه
فزيَت من نومي وانا اقـَول لبيييْـك
وآثركْ رويا . . فـي منامـَي وجاتـْه
صفقْت كَف . . وقلت ْيا حلم يشْوويكَ
جددْت لي جرح ٍ هنـَى فـي مباتـه
يا اللي شريت البعد . . ما غاب طاريك =(
حتى لو ان َالبعد . . سـوى سواتـهَ
مهوب محزني .. على حاْجـةٍ فيـك
إلا إن قلبي شايـف ٍ بـك غناتَـه !!
كن الطيوف تقـول وشَحـال غاليـك
وآقول راح . . وما بقـى الا غلاتـه
لو ان ما جانـَي مـن الهـَم ياتيـْك
كان المْصلي ما حفـظ وش صلاتـه
مريَت شارعكم . . وصادفَنـي أخيـَك
واللي قطع كبدي . . حلاتـَك حلاتـه
بغيت الخبط من دعايـاه , وادعيـك
واسمك وقف بين اللسان ولهاتـه !!
وبغيت اجيب العيد وآقول : يرضيْـك
فاللي وصاتي له . . وضيّـع وصاتـه
البعد شيّـَب خافـق ٍ ميـت فيـك !!
والى مشى خطوه عثر فـي عصاتـه
مشَكلتي | إن قلبـَي يحبـَك ويغلَيـك
ومشَكلتك | انْك شْخص عايَش حياتهْ
كثر الجفا . . نار . . وحطبها تغليييـك
خف الحطب . . لا تزيد نار اَلشماتـه
إن ما احَزنك جرح ٍ برَجـواه يدعيـك
ما عاد تفرق . . عيشته مـن مماتـه
قلبي وعمري . . كلهـا بيـن اياديـك
العمر فدوه . . لكن القلـب هاتـه !!
وإن ما بغيت ترد قلبي مـا اوصيـك
احسَن عزاه . . الـى دريـَت بوفاتـهْ
|
|
|
|
|
الذين يشاهدون محتوى الموضوع الآن : 2 ( الأعضاء 0 والزوار 2)
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
| | | | | | | | | |