|
--( اترك البرواز حطمـت الزوايـا )--
بسم الله الرحمن الرحيم
السلام عليكم ورحمة الله وبركاته
هلا والله ومليون غلا حياكم
هذي قصيدة من ديواني الخاص تعبر عن نفسها وان شاء الله تعجبكم تحياتي
ياغريـب زارنـي حـزة مسايـا
ياسكـون الليـل ياموجة بحر
استبحت الدار واحرقـت السبايـا
رحت تعبـث بالهدايـا والصـور
اترك البرواز حطمـت الزوايـا
انحنـى التذكـار فيهـا وانكسـر
مابقى للطيف في وسـط المرايـا
غير رسم فـي خيالـي يحتضـر
والرفوف الي تخلت عـن هوايـا
اقبلـت تنهـار والصبـر انتحـر
كيف مات الشوق في جوف الهدايا
والهدايا تحتضـن احلـى عطـر
مانشدت الغيم عن سبـة شقايـا؟
ليلـة ظلمـى ولا فيهـا قـمـر
الستاير تـروي فصـول الروايـا
اسأل الشباك عن صـدق الخبـر
لو حكيت السالفـة بيـن الشفايـا
ذابت البسمة علـى كـف العـذر
مابقى لـي مـن حكايتهـا بقايـا
يمكن الي اذكـره آخـر سطـر
بقلمي
طاري الشوق
|
عضويتي 
العرض الشجري