سجل حضورك ببيت شعر..!

كن المسا يفتح لهالقلب بابه
كنه يناديني على شرفة الهمس
لون الشفق خالط بياض السحابه
لوحة وترسمها لنا غيبة الشمس
يامرحبا والطيف لونه لفا به
كنه يصافح راحة الخمس بالخمس
شفته وقلب الشوق لونه سرابه
حب يلامس رغبة العاطفة لمس
من بوحي

فاتن معجب بهذا

كل مافيني يغاورني عليك
في عيوني بَرْق و فـ صَدري رَعَد
كل ما غنّت لك عيوني : أبييك
قالت ايديني و انا مثلك بعد

الصـــباح بطلتك شــيء جميل
يا جميل الخُلق والمنطق ذهب

يوم اشوفك حاضرن همي يزيل
بس تكفى طالبك مابي عتــــب ؟

الغريب

فاتن معجب بهذا

قم علم الصبح ويش البارحه قلنا
خله يقول لعواذلنا تصافينا
حتى يعرفون يوم انا تزاعلنا
كله على شان يقهرهم تراضينا

الغــــريب معجب بهذا

سامحوني لا رحت ,وصارت الغيبه طويله ؟؟
واستروا ماصار مني, في يوماً مابه وداع

الغريب

ادري ان الوقت دوار والحاجه محك ..
والليالي تردع الناس دون احلامها ..
حي راسً كل ماكبرت الدنيا ضحك ..
كل ماجات الهقاوي يجي قدامها ..
-

الغــــريب معجب بهذا

الناس خلت صاحبي مايجيني
وانا حياتي ماتساوي بلياه
تسببوا بالبعد بينه وبيني
وانا اللذي ماقدر على نار فرقاه
يبكي على فرقاه صوت الحنيني
وعيون عميت ماتهنت بلاماه
وقلب من الفرقى يجض وحزيني
ويصيح باعلى الصوت ويلاه ويلاه
حسبي على اللي احرموني ضنيني
خلوه ينساني وانا مااقدر انساه
ادعي عليهم كل وقت وحيني
من سبب الفرقى عسى الله يبلاه
بوحي

الصولجان ,فاتن ,النايفة معجبون بهذا

يالي رسمتك في ممرات فكري
تعال واقتل داخلي كل ضيقه
انا هنا مع هاجس احساس شعري
ودي اعيشك في خيالي حقيقه
انت انتظاري في قصيدي وتدري
تعال شفلك للملاقا طريقه

الصولجان ,طاري الشوق معجبون بهذا

لاتغلى كثير (ن) ثم تصبــح رخيـــص
البشــــر يا رفيقي, قايم(ن) حربها

ويستغلك خبيثٍ, ثم عنَّك , يحيص
اغلب الناس ترني, عارفٍ دربــــها

وانت حسب اعتقادي, شخص ذوق وحريص
تعرف اللي سَلِيم , وتعرفوا ,جربها ؟

الغريب
20/7/40

الصولجان معجب بهذا

وين انت ياللي غيابك زاد عن حده
ماتدري اني عليكم زايد جوعي
اصبر النفس بالونات لي مده
واعيش جو السهر راسي على كوعي
خليت دمعي يروب الدم في خده
والدمع في عين الرجل للقلب موجوعي
كانك تبيني سبيل الوصل لي مده
وامد لك خافق لك مدته طوعي
تدري وش اللي يعزيني على الفقده
انك تبيني وظرف الوصل ممنوعي
بوحي

الصولجان معجب بهذا