تـــبــاريـــح :

قفَّى أبو خالد :

عزي لقلبٍ فارق اليوم الأحباب
وأضحى جداه النوح تال الليالـي

أزريت عن همٍّ فجا قلب منصاب
وأقوت عراص السعد مما جرالـي

بقعا ليا منه رمت قلب بحراب
تلقى على نصله فراق الغوالـي

جتنا صروف الدهْر والدهْر ريّاب
برماح أصلت قلبي اليوم صالـي

قفى أبو خالد بالإيمان مركاب
نحو المنايا لأجل يوم النزالـي

جاه القضا بأرضٍ بها الموت جوّاب
بأرضٍ غريبـة رمل قبره يهالي

بأرضٍ بعيدة عن صحابه والأقراب
يحثى عليه الترب فيها هيالي

فيما مضى من سفره أقول ذا آب
واليوم تحت الترب مرقَدْه طالي

ارجع يابو خالد وأرح قلب منصاب
وأطفال تنشد وين به غاب خالي

خذ من سنيني ما تبي قبل الأنصاب
وابهج كبودٍ صابها اليوم صالي

يالله يا مـروي يبابه بسـكاب
اجعل عدن فيها محط الرحالي

شجون الأمل معجب بهذا