جيتك وانا اللي عارفٍ وش هي نهايات الغرام جيتك وجمر الشوق وسط الصدر يكويني كوي جيتك وانا اللي عارفٍ فرق الحلال من الحرام جيتك لكنك لا تهيني عاشقٍ باسه قوي جيتك بباقة ورد ممزوجٍ بها عذب الكلام قصايدٍ غنيتها مع الطريق المستوي لا ياملاذ العاشق اللي سابحٍ بحر الهيام لا ياغناة الروح يامهجة فؤادٍ مهتوي لايابعد من تلبس الضيق وتكشخ باللثام لا يالعظيم الشامخ المرموق في عين بدوي لا يا تراث اجدادنا قبل التضامن والسلام لا ياحضارة مجتمعنا والزمان المرتوي لا ياتغطرس بوش من فوق العرب شرقٍ وشام لا ياتواضع المليك اللي حوى طيبه حوي لا تحسب إن الحب يازين النبا برد وسلام لا والله الا الحب طاويني وحالي منطوي وعزالله إن اللي يعشق الزين مايصله ملام وقومٍ تلومه ياعساها في جهنم تنشوي