النســــــــــــــــــاء

[size="5"]

قصيدة النساء


للشاعر

ناصر القحطاني

قالها فيمن يستحقها



النساء روح المسا والليل لو فكر يبات ..

كان مافيه اغنيات .. وكان ماله ذكريات

وكان مافينا عظيم ومالأمانينا حليف ..

ومابنا قلب وليف .. ولا لنا قصد شريف

النساء نصف الحياة .. الا النساء كل الحياة ..

آه ياسرار الخوات .. آه ياحلام البنات

آه يالطيش الطفولي .. آه يالحزن الشفيف ..

آه يالعشق العفيف .. آه يالجنس اللطيف

علمن حتى المرايا والشبابيك اللغات ..

والرسايل والدواة .. صارت اعذب مفردات

كم بكن وانكف مبصر واضحكن وابصر كفيف

وارمشن واهتز سيف واهمسن وامتد ريف

كم غدن لاخوانهن عزوة صناديد عصاة ..

بين صفق المرهفات .. وبين ضبح العاديات

طاحت اشناب وكراسي وانطلق دمع ونزيف ..

واعتلى الخف المنيف .. والمقابر تستضيف

النساء ضلع عوج لولاه كل العدل مات ..

مالهن عنا فوات .. ولا لنا عنهن غناة

تبرق الدنيا على ايديهن ويغرينا القنيف ..

نطمع بتكريم ضيف .. ونوقف بيوم عصيف

النساء موج على بحره منايا وامنيات ..

والنساء مركب نجاة .. نسأل الله الثبات

هن لباس وهن فراش وهن معاش وهن رغيف ..

ان فتك جوع مخيف .. وان حدا الرجال حيف

النساء حتى شراب الجنة العذب الفرات ..

تحت ماطى الامهات .. يالهن من مكرمات

كل ماعوّد من الكد اقبل ابن ادم ضعيف ..

له ورى البيان طيف .. مثل نسناس المصيف

في بلادي يحسبون النساء متخلفات ..

في المساء مستوطنات .. وفي الضحى مستعمرات

مادروا عن هـ البيارق شمخ العرض النظيف ..

فزعة الدين الحنيف .. شجرة العز الكثيف

غادة وسجادة وكفين وحجاب وصلاة ..

من صبايا محصنات .. من عروق طيبات

اطهر من الفين منظر كلها فتنة وزيف ..

في رجا الصبح الكسيف .. واجرة الليل السخيف

كم مكان يعرض اعراض آنسات وسيدات ..

والهوى له بايعات .. والغلاف وله فتاه

والحسن تشبير عنق وخصر نحيف ..

وشي ماينشاف شيف .. لاجل الاول والوصيف

شهب تشابه رسوم الشاشه المتحركات ..

مالزمتهن طراة .. ولا لهن ملح وحلاة

لاربيع فيه خير .. ولا به الا بروق صيف ..

والشتا مابه رفيف يحيي اوراق الخريف

لي مناحل لي خلايا كلها سكر نبات ..

لي حصون ناعمات .. لي غصون شامخات

لي قوارير ملاها العقل والدم الخفيف ..

خلفها العمر الكليف .. ودونها الحد الرهيف

يازمن وش جاب حلوى غلفوها بالعباة ..

جنب حلوى للمشاة .. وللغبار للشتات

شف بدل ماهي لواحد صارت لجمع لفيف كيف ؟

انا اخبرك كيف شوفها فوق الرصيف






اهداء لهن فقط

الموضوع الأصلي: النســــــــــــــــــاء || الكاتب: واحد من الناس || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

طرح غايه في الروعه
سلمت الايادي على مادونت
الله يعطيك الف عافيه

ظل الياسمين