|
۩۞۩ هبوب الشعر وهمس القوافي ۩۞۩ ملتقى القصائد النبطية ونبض الشعر الشعبي الفصيح والشعراء |
|
أدوات الموضوع | إبحث في الموضوع | انواع عرض الموضوع |
#1
|
|||||||
|
|||||||
( تفو هي مدحه و لا شتيمه ) أعزكم الله ...
السلاااام عليكم و رحمة الله و بركاته
زي ما ذكرنا انها فكاهيه و تحكي واقع مرير لدينا هذي وحدة وااااضحة ماعندها لف ولا دوران..محددة هدفها القصيده قديمه شوي ... بس اني قريتها ثانيه و قعدت أضحك وودي أضحكم معي البارحة جاني مـن الحـب مرسـال من عقب ما بينـي وبينـه خصيمـة وانا ترى في الحـب مانيـب فعّـال ولا بعـد ولّـع بقلبـي هشيـمـه ولا بعد غنّيت فـي ساعـة وصـال ولا بعد ذقـت الفـراق وجحيمـه ولا جرى دمعي على الخـد همّـال ولابعـد جربـت مــرّ الهزيـمـة حتى وردنـي تالـي الليـل جـوال وانا على شاهي وبسكـوت ديمـة الرقم بايخ لكـن الصـوت قتـال كنه مثل صـوت المذيعـة حليمـة قالت مساء الخير يـا طيّـب الفـال قلـت ارحبـي ترحيبـةٍ مستديمـة بالعود والصفـري ودلـة وفنجـال واجبك يا بنت الأصـول الكريمـة ردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـا بعـد كنـي بدونـك يتيمـة من يـوم قالتهـا تزلزلـت زلـزال من فجعتي كنـي مسـوي جريمـة قلت ارفعي صوتك ترى مابه ارسال كـذاب لكـنّ المصيبـة عظيمـة قالت أقول اسمع ترى هرجنـا طـال ممكـن تصاحبنـي ترانـي وسيمـة واسمي الحقيقي أول حروفـه الـدال لكـن يسمّونـي البنـات الزعيمـة صحيح أحب الفخفخة واعشق المال لكـن ترانـي طاهـرة مستقيـمـة ما عندي امغازل ولا (لعب يهّـال) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفقـر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والدين بـالآلاف والبنـك شغّـال ياكـل فلوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـم شـي إن النوايـا سليـمـة لابد تفهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لكن تـرى هـذي علينـا قديمـة يا بنت هـذا صايـر اليـوم مـوال للي تبي تلعب علـى ابـن اللئيمـة يا بنت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقفى عرضها بيد الأنـذال والله مـا يبقـى لهـا أي قيـمـة قالت تبي ولاّ فخلّك علـى جـال مهوب ناقصـي نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حتـى يعلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة تحياتي لكم .. منقووووووووووووووووووول رحـــال الموضوع الأصلي: ( تفو هي مدحه و لا شتيمه ) أعزكم الله ... || الكاتب: رحال || المصدر: منتديات هبوب الجنوب
|
06-07-2009 | #5 |
|
تسلم يا رحال وصدق الشاعر وابدع كلام عسى يفهمه كل عاقل
وتعيه كل واعيه اما كلمة تفوه فهي قويه ما يستاهلها ذالك الشاب العاقل جزاك الله خير |
[rainbow]غريبه بدنيتي[/rainbow]
التعديل الأخير تم بواسطة غريبه بدنيتي ; 06-07-2009 الساعة 04:01 AM
|
27-07-2009 | #8 |
|
هههههههههههه مره شي بصراحه :GIF_92: يعطيك العافيه على النقل الجميل تقبل مروري |
التعديل الأخير تم بواسطة تكفيني الذكرى ; 27-07-2009 الساعة 11:52 PM
|
مواقع النشر (المفضلة) |
الكلمات الدلالية (Tags) |
مدحه, أعزكم, الله, شتيمه |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قصة ذو القرنين | الوافي | القرآن الكريم وعلومه | 7 | 29-04-2024 06:04 PM |
الإسراء والمعراج.. دروس للإنسانية في إعجاز الله وقدرته | نجوى الروح | ۩۞۩ هبوب نبي الرحمة والصحابة الكرام ۩۞۩ | 8 | 26-04-2024 01:12 PM |
حرمة المسلم على أخيه المسلم | الوافي | ۩۞۩ هبوب نفحات إيمـــانيــة ۩۞۩ | 7 | 03-03-2024 04:01 PM |
ألا بذكر الله تطمئن القلوب | الوافي | ۩۞۩ هبوب نفحات إيمـــانيــة ۩۞۩ | 7 | 04-02-2024 03:35 AM |
جبل عرفات و أسراره ولماذا جُعل الحج عرفة | الوافي | ۩۞۩ هبوب نفحات إيمـــانيــة ۩۞۩ | 6 | 20-01-2024 05:51 AM |