دمعتك في كل غمضه.. وانتباه..وإلتفات
عن حكـايه حب في هالوقت منقطع النظير
حب يكـرم عن ردى الشهوه..ألسنه الوشاة
حب مدري ويش بكتب عنـه ؟..!!
لكنه( كبير )
اكبر من احساس اصدق شاب مع اوفى فتاة
بس.. لاتبكين ..يبقى كل ماقلته نذير
وافتـرض لكل مايمـكن حـدوثه لي وآت
لجل ذلـكـ فكري وش هي النهايه والمصير .؟
(كلها حفره وجمع من الملا .. عقب الصلاة)
والله( الدنيا ماتسوى) نزعل الغالين..مير
ساعه الضيق يتعكر صفو الأنفس والذوات
ليش اجـل مانستغل الوقت دام احنا بخير ؟
وليش مانرضي حبايبنا..ويلتم الشتات
يعني لازم ننتظـر ؟
والواقع ايامه تطير
واحنا ماندري نبات الليل ..(ولا مانبات )..
العشير . اصلا يحز بنفسه يزعل عشير
الله اكبر كيف ماحزت بنفسك هالسوات
يوم شفتينيي طلعت ووضعي النفسي خطير
وقتهـا.. اشدراك يمكن موتتي حانت وجات ؟
(فأحرصي دايم علي) , ولاتغيضيني كثير ,,
واذكري دايم شعوركـ لادريتي وقيـل :
ماات ؟