التين والرمان والخوخ والتوت

التـيـن والـرمـان والـخــــــــوخ والـتــوت
و خـلاصـة المنـقـا مــع سنـتـر الـشـام

تذوب فـي ريقـك وانـا اذوب وامـوت
لا سلهمـت عينـك علـى الخـد سلـهـام

وافـاق واشراقـات وبـحـور وخـبـوت
فـي مقـرن الحجـه وفالـرمـش لا قــام

تكفـى قـبـل لاتـفـوت الايــام وتـفـوت
الفرصـه الـلـي ننتظـرهـا مــن الـعـام

ابغيـك فـي ظمـة غـلا قبـل لا امــوت
شفني دعسـت البيـت والبيـت مـا قـام

يتمـيـز الفـنـان مــن خـامـة الـصـوت
وانــا اتمـيـز شـعـر وعيـونـك ألـهــام

وفي كل يوم اجيب لك نحت منحـوت
والـشـعـر كـنــه يـقــول قــدام,,قــدام

والــيآ خلـطـتـه در,,لولـو,,ويـاقـوت
صدرك زبونـه وانـت حطيتـه اوسـام

وألا الـغـلا والـحـب مثبوت,,مـثـبـوت
لانــيــب بــيــاعٍ ولا فــيـــه ســـــوام

يامسـوي ٍ قلبـي علـى شكـل ريمـوت
ووجهـك محطاتـه وانـا عيونـي ابهـام

وش عاد تبغي جيتك من الغلا شووت
مـاردنـي مــن دونــك البـعـد والــزام

وحلفت لـك بأيمـان وبخـوت وبشـوت
وعهـود حـق ٍ تـلـزم الطـيـّب إلـزام

شفنـي علـى طـول المشاويـر مفلـوت
دمـام,,دوحـه,,دوحـه,,بـقـيـق,,دمــام

بس الحسـاء عايـق ونكبـه وعكـروت
وسويـت فـيـه افــلام وافــلام وافــلام

اشــارة التـرحـيـل واشـــارة الـكــوت
قطعتهـا وانـا احسـب الشـرطـه انـيـام

واثر الحساويـه علـى جنـب وسكـوت
فالفـرت ابـو ويـلـس ولنـبـه وصــدام

واربــع قسـايـم بـيـن جـامـه وكـبـوت
سرعـه وقطـع انـوار وبريـك وحـزام

كله علـى شـان الغـلا واسمـك اللـوت
لايـابـعـد دانـــه وســـوزان واريــــام

المشكلـه فـي بيتكـم صــرت مثـبـوت
مـضـيـع مـغـلـط مـعـاذيــري اقــــدام

ماغير اشيل كروت واركـب اكـروت
وامك درت بي واعرفت كـل الارقـام

تـقـول ذا مـجـنـون واقـــول بـامــوت
الا انـي ألـقـى عنـدكـم سنـتـر الـشـام

الموضوع الأصلي: التين والرمان والخوخ والتوت || الكاتب: الغــــريب || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

الصولجان ,عروبة وطن ,ملكة الأحساس ,فاتن و 3 آخرون معجبون بهذا

النايفة ,سَجَى ,ابن الجبل