ماهمني من باعني دون مقياس

ماهمني من باعنـــي دون مقيــــاس..


عزيت نفســي والأمانــــــــي بعيده


أنا كذا طبعـــي مع كـل الأجنــــاس .. القلب عزيتــــه و شديـــت قيـــــده



حوله من الأضــــــلاع حطيت حراس..


تحميه من غدر الليالـــــــي الشديده


إللي يذوق الغدر صافــي من الكاس..


لابد يتعلم و علمـــــــه يفيـــــــده


ضويت لي في ســــــود الأيام نبراس..


يهدي حياتي للـــــــــدروب الرشيده


محشوم فكري عن تفاكيـــر الأدناس..


نفسي عن الهفوات دايــم زهيــــده


وإللي يحاول يسرق اللول والمـــاس..


ماطالته عينه ولا طالـــت إيـــــــــده


يبطي ويشهر للبشر ذل الإفـــــــلاس..


لابدد أمواله بيفلـــس رصيـــــــــده


ماكل صيد يجيبه الحــر قرنـــــــاس ..


يموت بالرمضا ولاهـــو يصيـــــــده


وإللي يحاول يكسر الراس بالفـــاس..


مثل الذي بيده يكســـر حديـــــــده


كتبتها جمله أنا بيـــن الأقـــــــواس ..


(لاتقرب النيران جسمك تبيـــــــده)


أعوذ بالرحمن من كـــل خنــــــاس ..


من الوساوس والحياة البليــــــــده


ياوجد حالي كل ماهب نسنـــــــاس ..


سافرت بافكاري لدنيــا بعيـــــــــده


أتذكر إللي غاب من خيرة النـــــــاس..


إللي وصوفه في خيالي فريــــــــده


محشوم وافي طيب العرق والساس..


بين البشر مافيه شخص نديـــــــده


نسله من الأحرار والعرق دســــاس..


رحل عن حياتي بساعــــه نكيـــده


الله يكسي جسمه الغض بلبــــــاس..


من سندس الفردوس حله جديــــده


بصبر على فرقاه والقلب حســـــاس..


حياتنا ماجت علــــى ما نريـــــــــده

الموضوع الأصلي: ماهمني من باعني دون مقياس || الكاتب: فلسفة مشاعر || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

الوافـي ,ورد الجوري ,جنان الكلمة ,صقرالجنوب معجبون بهذا