ابا عز الدموع الي غشت عيني عقب فرقاك
واداوي نزف جرح انسان دمه من شرايني
واعز النفس عن حبك مادام اني عجزت القاك
تعبت من الصبر واتعبت من كثر السهر عيني
تعبت استعطفك وارجيك وامشي في سبيل ارضاك
وتلعب بي على كيفك تبعدني وتدنيني
تحملتك وانا صابر وادور لك عذر لخطاك
ولكن مانفع صبري معك واليوم يكفيني
خلاص اليوم قررت انسحب من دنيتك وانساك
ابا ارحل منك لو صاح لي صوتك يناديني
وبخفي عنك وين ارحل ولا تسأل علي انهاك
اذا قادك فضولك يوم انسى انك تلاقيني
بعوض ما مضى لي من سنينآ عشتها وياك
كفى ماضاع من شانك من احلى واجمل سنيني
ابا اركب مركبي وابحر وادور لي بدل مرفاك
شواطيك الكئيبه حطمت كل الامل فيني
لكن الهم في صدري واسافر للبعيد هناك
عسى الايام والغربه من جروحك تداويني
صحيح في غربتي بتعب ولاكن في سبيل انساك
بعزي بالصبر نفسي ولو محد يعزيني
نعم مليت نكران الجميل وطبعك ومبدأك
وقلت البعد عنك ارحم مادامك ترفض تجيني
ماأجمل تلك المشاعر التي
خطها لنا قلمكِ الجميل هنا
لقد كتبتِ وابدعتِ
كم كانت كلماتكِ رائعه في معانيها
فكم استمتعت بموضوعك الجميل
بين سحر حروفكِ التي
ليس لها مثيل