لعبة الطيور الغاضبة Angry Birds على الكمبيوتر PC + شرح للعبة .. رابط مباشر = تحميل صا

.. أسعد الله مسائكم ..

اليوم جبت لكم اللعبة الأكثر شعبية بين الناس وبين ممتلكي الايفون والايباد والايبود تاتش

لكن اليوم جبت لكم هاللعبة للكمبيوتر .. يعني تشغلها وتلعب على كمبيوترك

اللعبة حصلت على المركز الأول كأفضل تطبيق لهذا العام .. وكانت إراداتها خيالية وفي فترة زمنية قصيرة جدا

طبعا الكل يلعبها على أجهزة أبل .. لكن الان رح اضعها بين ايديكم لتستمتعوا بها على الكمبيوتر ودون الحاجة لشراء أي من تلك الاجهزة



يشرفني أن أقدم لكم لعبة ( Angry Birds ) لعبة الطيور الغاضبة





اللعبة فكرتها بسيطة وممتعة .. وتسبب الادمان

أول ما تشغل اللعبة رح يطلع لك مقطع فيديو عن حكاية اللعبة وايش الهدف منها

بس انا بشرحلك باختصار .. الموضوع وما فيه .. انه الطيور هذه تكون عايشة بسلام وقاعدة تحرس البيض حقها .. لكن الخنازير الخضرا تسرق البيض عشان تأكله .. وهنا تبدأ الحكاية .. الطيور تعصب وتولع وتصير شرسة جدا بهدف استرجاع البيض حقها

كل الي عليك انه تسحب العصفور وتتركه .. زي لما كنا نسوي زمان ونحن صغار بالمطاط والورق

والعصفور رح ينطلق ويكسر الحاجز عشان يقتل الخنزير وتجمع النقاط والنجوم

في أكتر من عصفور وكل عصفور له استخدام خاص وبطريقة معينة

رح اشرحلكم كل عصفور على السريع .. وكيف تستخدموه



أول شئ العصفور الأحمر




وهذا يكون اول عصفور ممكن تستخدمه .. استخدامه عادي جدا تسحبه وتتركه ورح يصدم اي شئ ويطيحه .. طبعا انت تحدد على اضعف نقطة عشان الاصابة تكون اكبر



تاني شئ العصفور الازرق الصغير




هذا يكون مرة صغير .. تسحبه وتتركه وهو طاير بالهوا تضغط تاني مرة عليه ورح يصير منه 3 عصافير صغيرة .. وهذا اختصاصه تكسير الحواجز الزجاجية .. يعني يكون فعال مرة بتكسير الزجاج وباقي الحواجز يكون مرة ضعيف معاها



ثالث شئ العصفور الاصفر




زي ما انتوا شايفين يكون شكله زي المثلث .. كل الي عليك تسحبه وتتركه وهو طاير بالهوا تضغط عليه ورح يتحول لقذيفة .. يعني عصفور مركب ماتور نفاث في ظهره .. هذا العصفور مختص بتكسير الحواجز الخشبية .. يعني اي شئ خشبي يخترقه بسهولة .. وضعيف قدام اي حاجز ثاني



رابع شئ العصفور الأبيض




هذا العصفور شكله عبيط مرة .. بس قوي .. هذا تسحبه وتتركه وهو طاير تضغط عليه ورح يطلق بيضة متفجرة تدمر الهدف الي تحته تماما .. وهو بعد ما يطلق البيضا رح يطييييير بعيد .. وانت وذكائك متى تطلق البيضا وتستفيد من طيرانه القوي .. طبعا هذا يكسر اي شئ تحته ما يهم ايش نوع الحاجز ..!!



خامس شئ العصفور الأسود




هذا العصفور المفضل عندي .. واحسه مرة قوي .. تسحبه وتتركه ورح ينطلق زي باقي العصافير .. وتتركه يصدم بالحاجز .. وبعد ما يوصل للحاجز تضغط عليه ورح ينفجر ويطير كل الدنيا الي حوله .. ويفضل استخدامه مع الحواجز الحجرية .. عشان الاصابة تكون اقوى .. لو صدم بالحاجز وتركته بدون ما تضغط رح يصير احممممممر وينفجر لحاله



سادس شئ .. العصفور الاخضر




هذا استخدامه صعب ولازم تركز فيه تمام .. تسحبه وتتركه وتخلي اتجاهه على فوق احسن شئ .. يعني ترفعه عن الحواجز شوي .. وبعد ما يعدي الحاجز تضغط عليه ورح يلف ويرجع زي عصاية ماوكلي .. يعني مثلا يكون الحاجز حجري قدامك ومن الجهة الثانية الحاجز خشبي وضعيف .. تروح انت تخليه يعدي من الحاجز كله وتضغط وتخليه يرجع يلف من ورا ويصدم الخشبي ويصيب الهدف بسهولة


سابع شئ والأخير .. العصفور الأحمر الكبيييير




هذا ما هو الا تطور للعصفور الأحمر الأول .. بس هنا رح يصير كبييير .. ومدمر بشكل فظيييع ما عليك الا تسحبه وتتركه ورح يمسح كل شئ قدامه ويفجر الدنيا .. مرررررة حمااااسي هالعصفور

,,

طبعا زي ما انا رتبتها رح تظهر لك تقريبا .. يعني تلعب باول عصفور وبعد كم مرحلة يظهر الثاني وهكذا



دحين خلصنا من الشرح وكل شئ .. وصار وقت التحميل

أنا رفعت اللعبة على السيرفر الخاص بالمنتدى .. لضمان بقائها .. وسرعة التحميل

الملف مضغوط .. كل الي عليك تحملها وتفك الضغط وتلعب على طول بدون اي تثبيت او اي مشاكل

حجم اللعبة بالملف المضغوط = MB 37 تقريبا

.. رابط التحميل ..



http://www.vb-koc.com/Angry.Birds.PC.zip
.


ان شاء الله يكون الموضوع عجبكم .. والشرح يكون واضح

طبعا اللعبة ما رح تكون بنفس متعة اللعب على الايفون والاجهزة الباقية لانه ناك اللعب باللمس ويكون اسهل واحلى .. بس هنا برضو رح يكون حلو ويمشي الحال

وعلى فكرة انا صرت غاضب اكتر منهم .. لاني كتبت الموضوع مرتين وكل مرة اخلص .. يعلق المتصفح ويروح كل شئ

.. في أمان الله ..

الموضوع الأصلي: لعبة الطيور الغاضبة Angry Birds على الكمبيوتر PC + شرح للعبة .. رابط مباشر = تحميل صا || الكاتب: سمو الروح || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

حميدة الشاعر معجب بهذا

عندي هاللبعة وتقريبا المراحل أيضا ذات ألوان مختلفة انت تختار المرحلة اللي تباها

:nosweat: بس يبالها تركيز وما يبالها حد يعصب

الأسير

تسلم يا ذووق على اختيارك للعبة الحلوة وممتعة أكيد

مشكوووووور والله يعطيك الف عافيه

عننندي اللعبة بس ترففع الضضغط
يبيلها روقاااان وحبذا شي باارد يكون جمبك
عشان مايصير شي هع
يسلموووو ع الموضوع
ودي..

احسن لعبة في الجيل الجديد

جدا اشششكرك

شكرا جزيلا على اللعبة الاكثر من رائعة