من روائع الراحل - طلال الرشيد ( الملتاع ) الله يرحمه

هذه مختارات من بعض ابداعات الملتاع


قصائد اعجبتني وراقت لي كثيرا فحبيت اشارككم فيها اخواني


بسم الله نبدأ




--------------------------------------------------





عـــلـــمـــتـــنــــي


علمـتـنـي وشـلــون احـــب

علـمـنـي كـيــف انــســى

يابحر ضايع فيه .. الشـط والمرسـى

علمـتـنـي وشـلــون احـــن

علـمـنـي كـيــف اقــســى

سير علي .. بس امسح دموعي وروح

سير علي .. جب لي معك قلب وروح

سير علـي .. اذا تذكـرت الجـروح

ياطـاغـي النـظـرة .. خـطــا

تـجــزى بهالـبـخـل الـعـطـا

وانا اللي اهديتك أمن.. عيـن وجفـن

هـــذي فـــراش وذا غـطــا

يـاجـرح مــن ويــن ابـتـدي

وانــت مـعـي مــن مـولـدي

وعيت يدي .. على وداعـك تهتـدي

بــس انــت علمـنـي الـجـفـا

دامني عجزت اعلمك .. كيـف الوفـا

علمتني كيف السهر .. ونسيتني الممسى

علمـتـنـي وشـلــون احـــب

علـمـنـي كـيــف انــســى





------------------------------------------------



جــــــــــــتنــــي


جتني وشافتهـا عيـون حايـرات

ذا شعاع الشمـس او هـذا سناهـا

ضاعوا اللي جوا معاها مسيـرات

واقبلت تمشي تقـل محـدٍ معاهـا

ياسنـا الفضـه وياجيـد المهـات

ياشذى نبت الخزامى فـي وطاهـا

قلت كن بوجنتـك زهـر النبـات

قالت ان الرمش يجرح لي صفاهـا

تجرح الظلمـا عيـون ناعسـات

سلهمت وأغضت تغطرس في بهاها

حققوا بالشوف فـي لـون الشفـاة

هو خذا منها الشفـق والا عطاهـا

ولو ظلام الليـل يعطينـا ثبـات

فيه من لون الشعـر والا كساهـا

كيف أباصف زين كاملة الصفـات

كيف أباصل في حروفي منتهاهـا






-------------------------------------------------




عيون الحب


عيون الحب لا يمكـن تناظـر

عيوب الخل لوهو عيـب كلـه

تماري فيه وبوصفـه تكابـر

ترى من فوق خلـق الله محلـه

رفيق الليل في الشبـاك ناطـر

واثـاري الليـل شبـاك لخلـه

حفظ احلى الكلام وصار شاعر

بصبر ينتظـر والصبـر ملـه

حبيب عشت في دنيـاه عابـر

حسب قوله ويا شعـري فقلـه

انا ضحيت له وارجي وصابر

واذا عيـا اقـول الله يحـلـه

على الملتاع الا يا بعـد باكـر

يبي السلوان والذكـرى تظلـه

صحيح ان الهوى سحر المشاعر

يراه الصـب عـز لـو يذلـه

عيون الحب في قلبـي تناظـر

تشوف اللي عيوني مـا تدلـه




--------------------------------------------------





حبيبتي


حبيبتـي لا مـن غديتـي لـي سـراج اتبعـه
وكني غديت من الضما اركض ويطردني السراب

لا تبخلين اليا شربتك مـا شربتـك مـن سعـه
دامي من جروح الهموم الموجعه كلـي صـواب

اليـوم مرتنـي السوانـي والفصـول الاربعـه
اليـوم مريـت الموانـي والمبانـي والسحـاب

اليوم ما كني لقيت مـر صوتـك مـا اسمعـه
اليوم ما كنـي فقدتـك مـن سؤاليـن وجـواب

يا بنت في خدك وهج سيل الشمـوس الساطعـه
احرق بداخـل داخلـي انسـان ماهـو للتـراب

واللي خلـق ظلمـا الليالـي بالعيـون الهاجعـه
اني من الحرمـان اتسـاءل وحرمانـي جـواب

يـوم الـوداع اتخيلـي مالـي حبيـب اوادعـه
محروم انا و تخيلي محروم حتـى مـن العـذاب

يا بنت لـي قصـه تطـول بكلمتيـن موجعـه
هي باختصار اني انا اركض ويطردني السراب








-----------------------------------------------



حكوا فيها

حكوا فيها ..

خذوا في طاري الحلوه .. وجابوا..

مسيكينه .. بسيرتها تنابوا..

واظن الصدق لشفاهم .. ابد ماهو قريب..

بشر يامصعب رضاهم .. وانا مالي حسيب..

انا سايق عليك الله لاجل الله يا شامت..

تخلي الشوك من يدك ولا تطرف عيون كحلت بالزين..

لا نامت انا افداها اذا ودك ..

يا هل ترى انتي وين يا بنت الشفاة؟..

انا ادور عليك بصورتك.. وينك؟..

انا كني لمست رداك وايدينك ..

ما شفتك بكل الكلام..

شفتك على سجادتك..

كنك تصلين القيام..

وليلك سرا بعبادتك..

ما اصدقه .. والهرج ابد ماهو دليل..

ما اصدقه .. يا عل يفداك الذليل..

الله يستر خوافيها.. اللي حكوا فيها..






---------------------------------------------------





أموت من فرقاك

اموت من فرقاك واموت بلقـــــــــــــــــــــــاك

واموت من جورك واموت بحنــــــــــــــــــانك

كل قضاه يموت مرة ويـــــــــــــــــــفــــــــ داك

وانا اموت الفين مرة عشـــــــــــــــــــــــــانك

اذكرك لامني نسيت اني نسيــــــــــــــــــــــتك

انساك لامني ذكرت نسيـــــــــــــــــــــــــــ ـانك

رضيت انا بالهم لرضاك مرضـــــــــــــــــــاك

وارخصت لك قلب جرحته وصـــــــــــــــــانك

اجيك في صدري عتاب وابجفــــــــــــــــــــاك

وارجع الوم الوقت واقول خانـــــــــــــــــــــك

احب فيك احساسي اني بلامــــــــــــــــــــــاك

في عز خوفي منك احس بامــــــــــــــــــــانك

عجزت افرق بين وصلك وفرقــــــــــــــــــاك

ياالي عطيت الناس بيدك عنانــــــــــــــــــــك

مر تجي الين اقول اني ايـــــــــــــــــــــــــاك

ومر تروح بعيدوانســــــــــــــــــــــ ــى اوانك

اقبل وتقفي واعتذر عن خطايـــــــــــــــــــاك

واقول ماعييت عيا زمــــــــــــــــــــــــــــ ـانك

وان خانتك دنياك اوخنت دنيــــــــــــــــــــاك

ارجع وتلقابي مكانك مكــــــــــــــــــــــــــان ك



----------------------------------



أنا راحل


أجمل رحيل ما يوصلني إلى قافلة

من القوافي أعود بعدها ..مليئاً بالشعر .

أنا راحل

وتارك كل شي

جمعت من ذيك العيون أحلى المعاني

وونيت مع صوت المعاني

وبشويش ..وشوشت الشعور

ريش تبلل .. وانتفض عصفور

ولما وصلت لكل شي

دريت إني ما وصلت لشي

اخترت أصعب رأي

أنا راحل ..وتارك كل شي مني وراي

***

تعبت

والدنيا عيت تستريح

يا صاحبي

القلب يمكن ينكسر

بس أن راسي ما يطيح

ولو قلت لك إني جريح

أخاف تفهمني خطا

وأخاف تفهمني صحيح

يا صاحبي .. أنا على سكوتي تعلمت

وما ندمت

ولو طال بي مسراي

***

الدنيا ما وقفت

مسكين يا قلبي

.. وهو يلتفت

أقسيت أنا .. وهو يلتفت

***

باقي رجوى

تشبه عيون الصغار

باقي لك في القلب نجوى

باختصار

باقي كلمه


لصاحب الطرف الكحيل

أنا راجع أقول إني أحب

وابعثر هموم الرحيل



----------------------------------

الموضوع الأصلي: من روائع الراحل - طلال الرشيد ( الملتاع ) الله يرحمه || الكاتب: واحد من الناس || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

شكرا على الكلمات الروعه
طبعا علمتني غناها راشد وطلعت حلوة مره تجنن
وعيون الحب وحبيبتي خالد عبد الرحمن

شكرا على طرحك

شكرا ليموني

لاعدمنا طلتك

طرح غايه في الروعه
سلمت الايادي على مادونت
الله يعطيك الف عافيه

شكرا ظل الياسمين