عطيتك قلبي وامنتك عليه وقلت : حاضر تم .
وانا من عادتي ماذكر تركته الا مع سنافي .
انا اذكر قلت له قدمك : ترى ماني بناقص هم .
وقلتوا بصوت واحد : خلنا والله على الجافي .
أجل وشفيه راجع لي بعد خوتك ينزف دم ؟
على لسانه يردد لي : عزاه انه معك وافي .
غدرته ؟ خنت فيه ؟ اسقيته من يمناك هم وغم ؟ .
رميته للصحاري والثرى رمضى وهو حافي ؟
اذا خنته ابي اسألك في ذمتك خنته كم ؟
عشان اعلمه انك تخون كثير بالخافي .
لو تدزي وش كثر كانت عظيمه مِنْك كلمة : سم .
دريت انه يشب الشوق فيني صوتك الدافي .
ولكن ماعرفت تحبّني وتضم صدري ضم .
وانا في داخلي برد الشتاء والحمل بكتافي
شبعت من الحياه وصرت اعرف المدح بعضه ذم .
وعرفت المكتفي لو يكتفي ماقال لك : كافي .
يقولون العرب اقوى جروحك من عيال العم .
وانا اقول : انهم ستر وغطاك وثوبك الضافي . كلمات رغم ان يتخللها الحزن والالم ولكن رائعه بمعانيه ولحنها تسلم وافينا