تغيب ماعلمتني ليه غايب!!

تغيـب ماعلمتنـي ليـه غايـب
كنك تعودنـي علـى غيبتـك دوم

سما غلاك أبطت عليها السحايـب
وطيور حبك قدلها ماهـي تحـوم

نار الهموم لها ضلوعي حطايـب
وصدري وجاراً نارها افكار وهموم

والشوق يلفـح نارهـا بالهبايـب
حتى دفنها طاري البعد بالسـوم

الحب اليا جامايجـي بالغصايـب
حتى ولو تفرضه عادات وسلـو م

الوقت جارحنـي ولانـي بطايـب
ويزيد جرحه جرح ياجعلها القـوم

أخطيت في غيابك وابد منت صايب
وماينهدم حبً بنينـاه فـي يـوم

لاجيت لي بسالك ويش أنت جايب
آحس غيباتك وراها لـي علـوم

يرحمك يآقلبن من الحـب ذايـب
ويرحمش ياعين معد جالها نـوم

الدمع منها فوق خـدي صبايـب
أرخى مشاهيبه على خدي وسـوم

يا وجد حالي وجد عـود وشايـب
لا جاء يقوم تعيـي ارجيلـه يقـوم

جافينـه عيالـه ولا لـه قـرايـب
من عقب ماهو لحاله يناطح القـوم

على الذي هو لوعتـي والسبايـب
متنابي الردفين .. بالذوق مفطـوم

صفين رمشه صف جيش وحرايب
كنها جيوش الفرس في مجابه الروم

يامـا علشانـه شعبـت الركايـب
ما همني منقود ربعـي ولا اللـوم

لا شك دونه .. بالمحبـه طلايـب
دونه بني عمه .. على الحايم تحوم

فإن مت .. من حبي فسود الذوايب
فالموت حق وكل نفس لهـا يـوم

لا شك .. انا باجيه مانـي بهايـب
وما قدر الله للفتى جاه ( مقسـوم )

تحياتي

دلع الجنوب

الموضوع الأصلي: تغيب ماعلمتني ليه غايب!! || الكاتب: دلع الجنوب || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب