سجل دخولك للقسم باسم شاعر وقصيدة من قصائده .

مدري رجا مدري وفا مدري احساس
انظرك وادري قلت لي منت راجع



يامن سوت عينه مخاليق واجناس
ادخل على الله لا تزيد المواجع

بدر بن عبدالمحسن... مجنونها

ناديت والليل جاوبني وبكاني
محد سمعني سوى ليل نزع دمعي

ماغير ليلي من الاحباب واساني
ياويل من همله ربعه مثل ربعي

طالت مسافاتي وتاهت بي ازماني
وعلمني الوقت كيف اقسى على طبعي

ومن طاول الوقت لو هو قاسي لاني
ومن يرفض العشر يقبل عقبها سبعي

كم عاقل صار بامر الحب هيماني
وكم قلب عذره ترك فيه الهوى صدعي

ياعازف بالهوى منضومة الحاني
رد المواجع نغم في قلبي وسمعي

غن الغزل ينتعش خفاق ولهاني
واشرب زلال الهوى من كأس ونبعي

ومادام أنا حي كل الحب ميداني
وان مت ياحادي الاشواق لك بدعي

الشاعر يـاسر التويجري.. عش الحيــاة برغبتك وبمبـــاديك... عش منفتح.. عش منغلق لا تعـاني.. اللي يحبـــكـ كيف مـاكنت بيجيـك... وإن جـاك ما إنت بحاجة لشخص ثـاني..

فديتش لا دعيتش ينتشي جاشـي علـى لباش
تنشعني سواليفـش وتنشـل م الحشـا جاشـي


والى منش تفديتـي فـلا ردي فـداش الاش
فداش اغلا خفوق حبش ولا سمع بـش واشـي


شرى قربش وشافش كل شي بعيشته وأغـلاش
نشا بأشواقه لشوفش تشـوق مزنـش الناشـي


وغنا لش وشل بشيلته مـن شعـره الشـواش
ودون لش من شعوره شعر ماهو على الماشـي



أحبش ايه أحبش كثر ماهـذا الغـرور أعمـاش
عسى قلبش يظلي من ذنوبـه راجـي وخاشـي


دخيلش رشي وصالش يكفيني ماغيـر إرشـاش
تشوا قلبـي وشاقـه علـى شوفـش تعطاشـي


تعالي بيـن جفنينـي لحافـش ذا وذاك إفـراش
أغمض بش وأصونش م القشر وأوّقف إرماشـي


والى منش تحاشيتي وشمتي والزمـان أغـراش
رشاش بضحكة صفرا بتفشل رشوة الراشي


يكشر لش عن انيابه ويكشف لش من الغشـاش
وتلفحش الهبايـب دون مـا ألحفـش بقماشـي


وأخذتي ذنب قلب ما غفـر ذنبـش ولا بـراش
وشنتي في عيوني وأعتبرتـش حلـم متلاشـي

لاتلكن الحرف تكفى زدته اعذوبه دخيل همس الشفايف لا تجننى محبوبك الهمس مدري صرت محبوبه تروح منا يجيلك يتبعك منى ادخل على الله ترى لأهل الهوى حوبه لاتحرق اعصابنا وتقول هونى وان تنقل الكبر عندك شافع وتوبه خد مورد ولليل مخمله حنى قبل الهوى مايمرك كنت وشوبه لاهي مع الريم ولا لاهي عنى تدري تدلل ومثلك نغفر ذنوبه ولعيونك الحرف لو بتكسره غنى

سافري

سافري كان يرضيك السفر
جربي لو ورى ليلي صباح

بدلي الرمل بأمواج البحر
واتبعي الغيم تحملك الرياح

سافري لين تبكين المطر
واضحكي لين ما يضيق البراح

ولا تعبتي وحسيتي بضجر
خلي الشوق لديارك جناح


أرجعي في ابتساماتك عذر
مثل ما الدمع في عيني سماح


انتي العين من طول النظر
وانتي القلب من كثر الجراح

بس لحظه. الشاعر حمد السعيد بس لحظه يا مهملنـي ونـاوي فـي غيابـك... دامك اللي ناوي الفرقا با اقول اللـي بقولـه انت يعني لا نويت تغيب باقـف عنـد بابـك... لا وربي تاقف الدنيـا وانـا تأبـى الرجولـه ما تعودت اتبع المقفي ولو حضـرة جنابـك ... رح عساها خيرة والدرب لك عرضه وطولـه روح لا جابك امجيب الغيم واترك لي صوابك ... جيت حلم ورحت حلم تشبه احلام الطفولـه ما انت بأول من طعن هالقلب والدرب انتهابك ... يا ثقل خطواتـك البارح وهالليله عجولـه باغي الفرقا!!جعل ربي يعجـل فـي ذهابـك ... بايع ٍ قلب ٍ لك الله كنـت مـا تحلـم تطولـه من يلومك ؟ شايف ٍ حالك وفـبدايـة شبابـك ... طاغي ٍ تجرح قلوب الناس تحسبها بطولـه بسألك كم واحد ٍ قبلـي هقابـك واشتقابـك ؟ .. انت ياللي نظرة عيونك قبل عرفـك خجولـه ياكثر ما كانـت ظنونـي دخيـل الله تهابـك ... بس أكذبها واقـول أوهـام والقلـب وميولـه اثـرك تستلـذ اذا ذاقـوا النـاس عـذابـك ... مشكله!! والمشكله هـذه بسيطـه وإمحلولـه كان ما لبستـك الغيـره مثـل لبسـة ثيابـك ... قل عوافي .. قل مثل غيره تركته وبسهولـه واجد اللي مشتهين الوصل والخـط متشابـك ... كان لك جولة ترى محاكيك له تسعين جولـه لا بغيت تغيب فارق لا وربـي مـا درابـك ... شاعر ٍ يا كثر ما تل القلـوب وصفقـوا لـه لا هلابك في حضورك .. في غيابك لا هلابك ... رح مهف امقيط يوم امقيـط ودنـه ارجولـه باكر ان ما شفت غيرك جا يعوضني غيابـك ... قل حكى شعار ما تفعل ربـع هاللـي تقولـه​

كل يناظـــر للبشـــر حسب طبـــــعه
وانا اطالع للبشـــر حسب طبعي

وكل يعـــرف يريش العين ربعــه
وانا تعرفن يكحـــــل العين ربعــي

ماني من اللي لا حضــر قيل , سبعه
من الله خلقني, ماذكر, ان قيل, سبعي



الغريب

زهرة ايلول معجب بهذا

لا تحسب الأيـام دايم مريفه
بعض الليالي ما تجي لك على الكيف

كـم واحـدٍ راحـت حيـاته كسيفه
يوم اختـلط فيها شتاها مع الصيف

خالد_الفيصل

زهرة ايلول معجب بهذا