يابنت ياللي بالهواتف تسلين
عصر الهوى والحب يابنت ولى
لاتسهرين الليل والناس ممسين
مع غشيم بالمحبه تسلى
اليوم يخضع لك وزين ع زين
وليا تمكن منك قام يتغلى
أن كان يطلب منك ماحرمه الدين
واليا رفضتي راح منك وتخلى
مجهول صوته ماتعرفينه من وين
يوم غرامه في فؤادك تعلى
هذي الحقيقه كان ودك تعرفين
طيش الصبا لابد عنك يتجلى
وش فايده لو باخر الأمر تبكين
مايرجع اللي راح دمع يهلى
تكفين يابنت الاجواد تكفين
البنت دايم في شرفها تحلى