تعبت اشيل الهم عنک واداريک
وانت همومي ثقلهآ مايهمک
لاياحبيبي الزمن لايخليک
تقسى على قلبي وتسقيه سمک
دنياک هذي لاتغير مباديک
مهما استطعت الظلم إعدل بحكمک
ماهي غريبه من يذمک يماشيک
لكن غريبه يمدحک من يذمک
ابوک ..خالک ..اختک ..اخوک
ماضيک ..ربعک ..جميع الناس .. عيال عمک
ماآكل واحد غاب معناه ناسيک
بعض البشر ينساک لوكان يمک
ادري تعزني الله يعز غاليک
وان كان لي عندک معزه بضمک
في خاطري كم كلمه يمكن تجافيک
وان شفت دمعآتي انزلت حط كمک
اسمک حبيبي وياكثرهآ اساميک
وقلبي يفز لاجابوا الناس اسمک
ليتک تحس بضيقتي يوم احآتيک
احرق لک اعصابي وماحس دمک
غايب بدون اعذار ربي يجازيک
عطني سبب مقنع حبيبي والمک
همک ..جنونک ..ضحكتک ..كل مافيک
صوتک ..سكوتک ..وارجع اقول همک
طيشک ..عنادک ..لماتزعل واراضيک
ترسم ملامح ضحكتي وتمحي رسمک
مهمآ غلوک قلوب ناس حواليک
اغليک اكثر منهم بس لعلمک
ابوک ..خالک ..اختک ..اخوک ..ماضيک
ربعک ..جميع الناس وعيال عمک
شايف غلاهم لک اكثر انا اغليک
واللي وصل " نص الغلا " يمكن امک
مماراق لي
عضويتي 
العرض الشجري