معقول هذا الشيء يا ناس قد صــار
معقول هذا اللي نشوفه يصيـري
معقول لا لا ماتخيل هالأفكار
إنا نشوف البنت تلبس قصيـري
تلبس بناطيل وتنانير قصار
بلايز ماتستر إلا اليسـيـري
والصدر مكشوف على كل الأنظار
والبطن يظهر سره المستديري
ياللأسف صار التعري له أنصار
والستر مستنكر وماله نصيري
قل الحياء والدين خوف من النار
والخوف من رب سميع بصيري
معقول هذا الشيء يا ناس قد صار
معقول هذا اللي نشوفه يصيري
الرجل مستور وهي سترها طار
مع التحرر والتمدن يطيري
تمشي مع الموضه ولا همها إنكار
من ينكر المنكر وعنده ضميري
تشري ملابسهاوتلبس وتختار
اللي تبي وتقول أنا مثل غيري
تدفع اشراء الماركات أغلى الأسعار
ولا عليها من صغير وكبيري
تقول خلونا على كيفنا أحرار
كل على كيفه وفكره يسيري
والأم تدري مالها رأي بالدار
لاتستشار ولا على أحد تشيري
والرجل مسكين يدبر ويندار
ما عنده أمر وما بغنه يصيري
سواقهن يضرب بهن كم مشوار
للسوق والمشغل ويم الكوفيري
هذا زمان فيه الأخلاق تنهار
بإسم التطور إنهيار خطيري
ربتهمmbc على الفحش والعار
واللي بروتنا سقيط ودشيري
والـ lbc نشر الرذيله لها شعار
أم التعري شرها مستطيري
والـ art فيها بلى كل الأعمار
مزابل فيها فساد كثيري
أخص في هذا ولا أعم الأخيار
اللي بهم في كل الأوقات خيري
معقول هذا الشيء يا ناس قد صار
معقول هذا اللي نشوفه يصيري
رائعهـ وبصوت أروع
19-07-2010
عضويتي 
العرض الشجري
