دقات قلبي لو بتنطق لك تقول : مشتاق لك. مشتاق لك. مشتاق لك
مشاعري ما تقبل انصاف الحلول !!
من وين ما هب الهوا تنساق لك !!
=====
يسوقني .. ريح المطر قبل الهطول ..
و صوت الرعد و الغيم و البراق لك
=====
حتى لو انّك فالوصل منت بـ عجول
أنا على كثر البطا .. سباق لك !!
=====
و الا انت بارد قلب و احساسك خجول
حددت لي الاشواق مما راق لك !!
=====
بين التعالي و التغاضي و الفضول !!
احترت .. كيف ارتب الأوراق لك !!
=====
تركت في صدري .. مثل قرع الطبول !
و اجبرت فكري يفتح الافاق لك !!
=====
حسّيت في عيني مثل حرب المغول !!
من كثر ما شفت الدموع تراق لك !!
=====
رغم اختلاف الطقس في كل الفصول !!
قلبي ربيعك و الظلوع رواق لك !!
=====
ما قبلك الا أثــنين مـن بعـد الرسـول ..
لكن فناجيل الغــرام تســـاق لك ..
=====
لو ماني أحبك ، و لا فيك مهبول !!
ما صرت مجنونك و عقلي عاقلك !!
=====
دقات قلبي لو بتنطق لك .. تقول :
مشتاق لك .. مشتاق لك .. مشتاق لك !!
الشاعر // مبارك بن حاضر
|