على نفس المكان الي اجي له والفكر ينساح
كتبت البوح واسرار العمر للنور يقراها
انا والليل والمغنى سوالف والأمل مالاح
وجيران القمر ملت تحرا نور قمراها
غدا جو السهر معتم بعد لبس الظلام وشاح
بعد ماعودت كل النجوم لدرب مسراها
كذا صار الوعد ليل وحيش وممتلي اشباح
على قلب فقد زين الوعود الي تحراها
بوحي
غرد الطير يبحث عن معاشه
واظلم الجو وانهل الرشاش
وابيض اللون نايم في فراشه
ماحد قال مخصوم المعاش
من غلاه وجماله صار باشه
قادر إنه ينوش ولا يناش
حمس قلبي كما بن طشاشه
لاهب النار خلا له طشاش..