بيت شعر يبدأ باخر حرف من أبيات اللي قبلك

دنياك لو ضاقت عليك وتكدرت
إصبر عسى صبرك يزيل المصايب

وان شانت ظروف الزمان وتحيرّت
مانته لحالك في زمان العجايب !

غرام الشوق معجب بهذا

بعض العرب لا ضاق جوك يسليك=وإن جيت له زعلان عودت رايق
هذا صحيح اللي عن الناس يغليك=واحدٍ ويكفي عن جميع الخلايق

غرام الشوق معجب بهذا

ياكثر ماشفنا من ابيات الغزل = كن القصيد مخصص" لهل الهوي
وين القصيد المعتبر وين الجزل = بعض القصيد يروح مرواح الهوى

عاشق الطيب معجب بهذا

يا زمان العجايب وش بعد ما ظهر
كل ما قلت هانت جد علمٍ جديد ,
إن حكينا ندمنا وإن سكتنا قهر
بين قلبٍ عطيب وبين راس عنيد

وليد معجب بهذا

دامي على الدنيا وأشم النسايم=والله ماأبيعك يارفيقي وأخليك
لو حال من دونك بغيض ولايم=مغلييك مهما كلف الأمر مغليييك

عاشق الطيب معجب بهذا

كل مابغيت أمشي طريقي لفرقاك
ألقى الطريق يحنّ... ويردّني لك
وين الفراق اللي لو أمشيه ما ألقاك
تعبت..!! أدوّر درب.. ماينتهي لك !

وليد معجب بهذا

كل ما حسيت بـالضيقة : تبسم=لا تبين في : ملامحك .. التساؤل
دام هذا الرزق .. من ربّك مقسم =أبتسم ، فـ الصبح موعد لـ التفاؤل

عاشق الطيب معجب بهذا

لبيــه يا عمــري فدتك آهــــــل الملامـه والعتــب
لبيــه كثر اللي عشـــانك كنـت ( آضيفــه وآشطبـه )
يامـن لعبـت بحسبـه اللي مـــا حدن به قــد لعـب
قل وش بقـــى بــك مايفـر العقـل ( فـر ويسلـــبــه )

وليد معجب بهذا

هبت هبوب ( الشوق ) ياليل بدري
وليه الهبوب تهب .. لحظة منامي
يٓ صاحبي كانك عن الشوق تدري
وش سالفة صدك عن أنسان ضامي

‏يجيب الله بعد كسر الخواطر خير
‏كثر ما ضاقت وقلنا عسى خيره




حرف الهااء