لاتبعدوني يا عــــرب من هواها
هي غايتي بالحب تكفون تكفون
لــــــو غابت الليله اروح معاها
مالي ابد عيشه بلاهــــا وتدرون
هي علتي صارت وابغى دواها
ولا يداويني من الناس مليون
قلبي غدى عالق بعالي سماها
من زود حبي والغلا صرت في كون
سبحان من سوى وصور حلاها
سبحان ربي يوم كحل ذالعيون
من حبها من زينها من حياها
عشقتها والعشق داين ومديون
في وسط قلبي عالي(ن) مستواها
وبوسط روحي بيتها دوم مضمون
تامر وتنهاني وكلي فــــــــــــــداها
لو تطلب عيوني لها مــــــا يوفون
ارخص جميع الناس وأكسب رضاها
ماهمني كل العــــــرب لـــــو يضيقون
واللي عليها لامــــــــــني يا عســــــاها
تضيق به دنياه ويصير محـــــــــــــزون
ودي اعيش اليـــــــوم وحدي معاها
ولا تقولــــولي يالاجواد وشلــــــــون