تبغي تضيق خاطري جعله فداك

بافارقك .. لو كان ما اختر تفرقاك
بافارقك .. وآنا فرجوى وصالك

البعد لو به خير ما كان خلاك؟؟
تقطع من عيون المحب اتصالك

ما اكثرك فالصده وفالوصل مااشواك
الكبر لله .. ( لا يغرك جمالك ) !!

خليتني للبعد .. والبعد قسّاك
خلاك تنسى واحد" قد وفا لك؟؟

سليت سيف الهجر ؟؟ كني من اعداك
وذبحت شوق الروح شلي جرى لك

العام ماتصعب الى قلت بلقاك
واليوم من دون المواصيل هالك؟؟

منت بردي .. حسبي على الوقت ردّاك
غير صفاك / وطيبتك / واعتدالك

حاولت نسيانك .. وعييت لا انساك؟؟
لا جيت ابنسى .. ذيب صدري عوى لك

لو انك بترجع كثر ما آتمناك؟؟
ما كان ذاحالي .. ولا ذا بحالك ؟؟

كثر الجفا وآنا أستغفى الله اشراك
حبك كفربي .. لعنبو من صفا لك

خذاك مني البعد ما عاد بقاك؟؟
لكن على قول المثل مش حالك

تدري وش اللي يقتل الشوق ياذاك
لاني بولدعمك ولا بولد خالك ؟؟

الشوق برد .. ودافي الوصل لقياك
وثلج الجفا خرب طريق اللقا لك

علمتني حبك .. وعلمني انساك؟؟
لو كان من دنياي .. مابه بدالك

تبغي تضيق خاطري جعله فداك ؟؟
مهوب انا اللي يعاتبك في حلالك

طلبتني قلبي وانا قلت لك .. جاك
والحين سو بخافقي ما بدا لك ؟؟
أجمل ماراق لي . من قصائد حمد البريدي
اتمنى تنال اعجآبكم

امير احساسها

الموضوع الأصلي: تبغي تضيق خاطري جعله فداك || الكاتب: امير احساسها || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب