أعاتبك وانت تدري سبّة عتابي

أعاتبك وانت تدري سبّة عتابي.
وتدري عن اللي بقوله قبل لا قوله

لو يجهل الناس كل الناس وش ما بي
تعرف شقى الحال لو اخفيت بسهوله

هذا وانا فاتح(ن) لك كل الابوابي
اللي على جمله الغاليين مقفوله

منولك دونهم ودّي وترحابي
ومنزلك في مقام محد(ن) حوله

لكني اشوفك تساومني على اتعابي
خطوة تجملك يمي شبه مشلوله

تخطي بلا ذنب لين تفور اعصابي
وأنا اسألك هالسوايا بس وش حوله

كنت احسبك وانت ادنى الناس وادرى بي
ترفق على خافق(ن) بيحت محصوله

بس للاسف كل ما ظنيت بك خابي
وأمالي طاحت تحت رحمتك مقتوله

يا كثر منسابت الدمعه على هدابي
من صاحب(ن) جرّح الخفاق بفعوله

وانا على ظن من ظن وتهقوى بي
ما خنت وافي ولا خيبت مأموله

واليوم من ضيقتي والفت مرقابي
بعلل الروح يوم الروح معلوله








للتحميل والاستماع

الموضوع الأصلي: أعاتبك وانت تدري سبّة عتابي || الكاتب: جنان الكلمة || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

بسمة امل ,غرام الورد ,الوافـي معجبون بهذا