سقى الله سنين العمر يوم الزمان الزين

عسى الله يعين القلب فـ مفارق الغالين
بعد شوفة الاحباب .. ليلة وداعيه
سهرنا سوى .. والليل عدّا منه ثلثين
وبعده توادعنا فـ لحظه مصيريه
وبديت بحياة ثانيه ليلها ليلين
وقلبي طواه الهم .. طيه ورى طيه
ياوقتي ترفق بي فراق الحبايب شين
ترفق بحال اللي حياته شقاويه
اليا مره الطاري تهامل دموع العين
من احزانه اللي تحت الاضلاع مخفيه
يحاول يعديها ويسلى مع السالين
وهو كل ساعة في خيالات ماضيه
سقى الله سنين العمر يوم الزمان الزين
مانَعرف هموم الوقت ذيه ولا ذيه
ياذيك الليالي وين رحتي وحنا وين
خذتنا ظروف الوقت .. كلٍ على نيه
ليالٍ عساها تْعود مادامنا حيين
وتشوف الحياه الحلوة نفوسنا الحيه
غريب المشاعر حن لارضه وللغالين
ولايامه اللي قبل يوم الوداعيه

الموضوع الأصلي: سقى الله سنين العمر يوم الزمان الزين || الكاتب: الوافي || المصدر: منتديات هبوب الجنوب

www.h-aljnoop.com

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

النايفة معجب بهذا

كلمات جميلة
وبقاء الحال من المحال
والاداء جميل

اختيار راقي
سلمت يمينك

الوافـي ,النايفة معجبون بهذا

وبديت بحياة ثانيه ليلها ليلين
وقلبي طواه الهم .. طيه ورى طيه
ياوقتي ترفق بي فراق الحبايب شين
ترفق بحال اللي حياته شقاويه
اليا مره الطاري تهامل دموع العين
من احزانه اللي تحت الاضلاع مخفيه


ذائقة تجمع بين العذوبة والالم . ..
يسلموو الوافي ..

عسى الله يعين القلب فـ مفارق الغالين
بعد شوفة الاحباب .. ليلة وداعيه
سهرنا سوى .. والليل عدّا منه ثلثين
وبعده توادعنا فـ لحظه مصيريه

بحق شيله كلها احساس مرهف
إنتقاء ثري بالذائقه استاذنا الوافي
سلمت ودام رقي ذوقك
بإنتظار القادم بشوق
كل الود لروحك
..........................