لاتنشدوني وش بلاي ولاتزودون سؤال
لا تنشدوني وش بلاي ولا تزيدون السؤال
أنا فدى لعيونها وأنتم بعد تفدونها
الكايده والمترفه وأم الحلا وأم الدلال
اللي حياتي كلها حزن وملل من دونها
في حضورها حتى قمر خمسة عشر يرجع هلال
وفي غيابها روحي عسى ربي يكون بعونها
عشقتها عشق بدوي موته ولا قطع الوصال
يحفظ مواثيق المحبة والغلا ويصونها
من بعدها عايش على باب التمني والخيال
وبنتظر ظلت محياها على مجنونها
قالوا لي إن الصبر تاليه الفرج والصبر طال
وتحدني كل المبادي والشيم من دونها
لكن بيبقى قدرها غالي على طول الليال
وبموت مايسكن عيوني غير سود عيونها
قولوا لها ماهو حرام إن كان جاء منها اتصال
وتشوف حالي بعد فرقاها وعرف اشلونها
|