|
مطبخ أعضاء هبوب والوصفات التحضيريه كلات صينية شرقيه ,عربية ,رمضانية ,طعام ,حلويات , اكلات شعبيه ,طبخات,اطباق |
|
أدوات الموضوع | إبحث في الموضوع | انواع عرض الموضوع |
|
#1
|
|||||||
|
|||||||
أطـبـاق
شوربه الشوفآن بالدجآج : المقادير: - صدر دجاجه صغير - كاس جبن صغير شوفان - 8 الى 9 كاسات ماء - جزره او نصف جزرة مبشوور ( على حسب الحجم) - معكب ماجي - ذرة (حسب الرغبه) -معكرونه شعيريه ولا معكرونه حجمها صغير - ملح ، فلفل اسود ، باربيكا الطريقه: - نسلق الدجاج بالبهارات الي نبيها حتى ترووح زفرتها .. وعقب نبلحها او نبشرها براحتكم - ونضيف الشوفان ومعكب ماجي والجزر والماء والبهارات و الذرة والمعكرونه - وتخليينها على نار هادئه تغلي ليما تتكثف .. وتقدم لا تنسون تعصروون علييها ليمون .. : وهذي صوورهـ اغرائيه بشرت الجزر ناعم مره .. وصارت صفره بس الطعم ما تغيير يمي |
20-08-2010 | #2 |
|
رد: أطـبـاق
بيتزآ البيض : المقادير: - 4 أو 5 بيضات ( الكميه متروكه لكم ) - جبن الصقر أو اي نوع عندكم مبشور - فلفل رومي مقطع دوائر أو مكعبات صغيرة - طماط مقطع دوائر او مكعبات صغيره -زيتون ( اسود و أخضر) - ملح ، فلفل اسود ، بزار ، باربيكا (الفلفل الاحمر الحلو) الطريقه : - نخفق البيض مع البهارات - نحط شوي زيت .. ونصب خليط البيض .. والنار تكون هادئه - انضيف الفلفل الرومي والطماط والزيتون .. ونغطي المقلاه بالغطاء الخاص او بغطاء مناسب لحجم المقلاه - بعد ما نحس ان البيض من فوق أستوى .. نضيف الجبن المبشوور ونغطييه بالغطاء - ويذوب عدنا الجبن بهذا الشكل - نقطع بيتزا البيض الى اربع قطع او اكثر - ويقدم مع الخبز اللبناني أو الايراني .. brb .. |
|
20-08-2010 | #3 |
|
رد: أطـبـاق
بسبوسه الجالكسي : المقادير: - 3 بيضات + رشه فانيلا - فنجال شاي زيت - ملعقه طعام كاكو بودرة - ملعقه طعام باكينج بودر - ملعقه طعام نسكافيه (حطيت نص ملعقه) - قشطه نستله - وبنفس علبه القشطه نعبي ( 1 و نص علبه سميد + 1 علبه سكر + نص علبه جوز الهند) مقادير التغطيه: - 1 حليب محلى ( طبعاً أختياري تقدري تحطي نص العلبه) - 2 جالكسي ساده ( اختياري تقدري تستخدمي بس واحد) الطريقه: - نخلط جميع المقادير السائله ومن ثم نحط المقادير الجافه - نسخن الفرن على درجه حراره 180 - ندهن البايركس بقليل من الزيت - نصب الخليط في البايركس وندخله الفرن ليما ينضج وهذا الخليط بعد ما طلعناه من الفرن صبيت عليه نص علبه الحليب المحلى بعدها بشرت عليه واحد جالكسي .. تقدرون تبشرون الثاني وقت التقديييم تقدرون تدخلونها بالثلاجه شوي تبرد .. بس احنا اكلناها وهي ساخنه يمي |
|
20-08-2010 | #4 |
|
رد: أطـبـاق
هذي الكيكه سلمكم الله من كثر ما اشوف طرق السوفليه وكيك المايكرويف
وما يضبط عندي .. قمت واخترعت هذي وضبطت عندي .. كيكه المآيكرويف : المقادير: - كيك بتي كروكر " بالشكولاته السوداء أو الشوكلاته بالحليب" - حليب سائل الطريقه: - نخلط خليط الطحين بتي كروكر مع كميه حليب مناسبه لطحين لما يصير معانا بهذا الشكل - نصب قليل من الخليط في قوالب السوفليه او قوالب الشوربه - ندخل الخليط بالمايكرويف .. بمده 60 او 50 ثانيه .. يعني نتحكم بالثواني على راحتنا وهذا شكله بعد ما طلعناه من المايكرويف .. تقدرون تضيفون عليه قطعه جالكسي او سنكرز ولا ملعقه ايسكريم .. ويقدم ساخناً وهذي صور تعذيبيه .. هنا ضفت عليه سنكرز ودخلته بالماكرويف .. ملآحظة : تقدرون تسون جزء من خليط بتي كروكر .. والباقي لمرة ثانيه وهم تقدرو تسو الخليط كله .. وتخلون باقي الخليط بالثلاجه ليوم ثاني وثالث ولما تحسون ان جمد شوي تضيفون عليه شوي حليب ويصير تمام .. |
|
21-08-2010 | #9 |
|
رد: أطـبـاق
|
|
مواقع النشر (المفضلة) |
الكلمات الدلالية (Tags) |
أطـبـاق |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|