أواه يا الغالي ليا منك أخطيت ... يحسب خطاك بألف غلطه لغيرك
كان الخطا مقصود والله تماديت ... الله عليك أشلون خانك ضميرك
إحسب حسابك يا الغلا لا تعديت ... حدك وتاه بك القدر وش مصيرك
غيرك تجنى فيك وأنته تجنيت ... أدفن تحت سود المقادير خيرك
بنيت لك في خافقي بيت من ليت ... آدق بابه شوق ما يستثيرك
شفني وأنا جالس تحت ظل هالبيت ... ميت ظما وأنطر على جال بيرك
مرمي على سكة جروح وتناهيت ... أنسى قليلك مير عيا كثيرك
ما أسقيتني غير الأسى يومك أسقيت ... ولا جرت خفاقي وهو يستجيرك
أحاول أجمع من غرامك فتافيت ... علي ألاقي شي يجبر كسيرك
والله ماخليت لي يوم قفيت ... غير الجروح اللي تعانق عبيرك
وقلبٍ بريء لكن فيه استشفيت ... ودمعات عينٍ مل منها حريرك
ماخفت ربك يوم من ظلمك ادميت ... كف الغرام وسال منها جفيرك
غيرك تجنى فيك وانته تجنيت ... الله حسيبك كيف خانك ضميرك
وقلبٍ بريء لكن فيه استشفيت ... ودمعات عينٍ مل منها حريرك
ماخفت ربك يوم من ظلمك ادميت ... كف الغرام وسال منها جفيرك
غيرك تجنى فيك وانته تجنيت ... الله حسيبك كيف خانك ضميرك