13-05-2020
|
#486
|
ياذيــــب لا تعوي من الوقـت لا جار
هـــذه هي الدنــيا وهــــذا قــــدرها
أصبر على جرحك لو أنــــه كما النار
وأدعس على خــــشم المذلـه وذرها
والرأس لاتحنيه لو صـــــــار ماصار
إلا لواحد تنحني لـــــــه بشــــــــرها
باتنــــــفرج ياذيـــب والوقــت دوار
وأهـــل المصالح لاتخــــايل صورها
وأحذر تخاوي كل خايـــن وغــــدار
اللي دروب المــــرجلــه ماشــبـــرها
ولا تســــر إنـــسان بيـــــاح الإسرار
اللي إذا خاصـــم بسـرعة نشـــــرها
وأكسب رجال الجود وافين الأشبار
اللي في القمـــة تشـــاهـــــد نظرها
وليــا قسى وقتك معك ربح وظٌمار
مايوم لقت فــــ الشدايــــــد ظهرها
تلقى وراهــــم كل زينات الأخبــــار
ناساً في الجودات كل(ن) ذكـــــرها
ذا قول جبري من بني جبر الأحــرار
شاعر ولـــ أشتــــدت يواجه خطرها
رأيي وحطيته في أبيوت الأشـــعار
أنظم حروفي دايـــماُ وأختصـــــرها
وختامهـــا صلو على سيـــد الاطهار
اللي قلوب النــــاس حبْــــــه غمرها
|
|
|
|