هنيئاً لمن بلغه الله شهر رمضان
هنيئاً لمن بلغه الله شهر رمضان
هنيئاً لمن فاز باستقبال شهر رمضان
من شهور واحنا بندعي اللهم بلغنا رمضان وها قد بلغنا الله رمضان
فماذا أنت فاعل ؟ ناوي على إيه؟
الجنة أمامنا لكن الشياطين كانت بينا وبين الجنة
ربنا صفدلك الشياطين في رمضان
هتنطلق لربنا وللجنة ولا لأ ؟
عاوزين نبقى فرسان رمضان
فرسان في القرآن والصيام والصلاة والقيام
والإعتكاف في رمضان
اوعى تكون من المحرومين في رمضان
في ناس هتكون محرومة في رمضان اللي
مقضيين رمضان على القهاوي واللي مقضيين
رمضان في الكورة أو في المسلسلات
اوعى الحسنات اللي هتكسبها من الصيام
والتراويح القيام والاعتكاف تضيعها بمسلسلات رمضان
اوعى تضيع اللي ربنا سبحانه وتعالى فتحهولك من رحمة في رمضان
خد بالك القضية في البداية من أول ليلة
أهم حاجة الانطلاقة الأولى
نشن إنك تبقى من عتقاء الله من النار من أول ليلة
نشن على أبواب الجنة الثمانية من أول ليلة
النبي عليه الصلاة والسلام يقول لأصحابه :
( قد جاءَكُم رمضانُ شَهْرٌ مبارَكٌ افترَضَ اللَّهُ عليكُم صيامَهُ تُفتَحُ فيهِ أبوابُ الجنَّةِ ويُغلَقُ فيهِ أبوابُ الجحيمِ
وتُغلُّ فيهِ الشَّياطينُ فيهِ ليلةٌ خيرٌ من ألفِ شَهْرٍ مَن حُرِمَ خيرَها فقَد حُرِمَ ) صحيح
من أول ليلة نشن على ليلة القدر
ليلة القدر دي ثمرة الاجتهاد في رمضان
اللي بيفوز بيها اللي اجتهد من أول ليلة في رمضان
اوعى تستهين بأول ليلة
من درس :- فرسان رمضان
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
|