أجيه وأدري لو أجي مالقيته ,,
لكن كذا أرتاح لاجيت ماضيه ,,
والله لأموت وغايتي مانسيته ,,
حتى بصلاتي أطلب الله يهنيه ,,
الحاره اللي تفتخر في مبيته ,,
نامت كماطفل فقد حضن أهاليه ,,
حتى في غيابه للشوارع شكيته ,,
قالت تصدق عاد أنا مثلك أغليه ,,
يشهد جداره من حنيني بكيته ,,
ودي أضم جدار بيته وأنا أبكيه ,,
ياما بصدق أحساس قلبي عطيته ,,
وياما خذاني من التعب بين أياديه ,,
أذكر في ذاك اليوم مره لقيته ,,
يبكي وضايق ياصاحبي من لياليه ,,
جيته بدون شعور لهفه خذيته ,,
وساعه أنا وياه جال أواسيه ,,
وشرد خيالي من دموعه نسيته ,,
جالس أفكر في دموعه وناسيه ,,
أثره يناظر دمعتي مارأيته ,,
قام وسألني ليش تبكي وأنا فيه ,,
مسح دموعي ياصاحبي وأحتويته ,,
مثل الغريب اللي تضمه غواليه ,,
واليوم أنا والدمع وجدار بيته ,,
نسترجع الذكرى قبل لايخليه ,,