منتديات هبوب الجنوب - عرض مشاركة واحدة - والله وصرتي تستهنين فيني وأنا الذي سويت لك قدر بيدي

#1 20-03-2010

والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني
ان قلت لك كنتي ولا حاجة .. شويّ!
انا الذي فرشت لك رمش عيني
وعملت منك شي وانتي ولا شيّء
جيت اعشقك ما جيت لك تحقريني
جيت اسكنك بسمة ما هو با اسكنك غيّ
لاصرت عاملك قدر .. قدريني
ترى الكرامة صفحة ما لها طيّ
مادام ما جيتي غلا.. لا تجيني
نار الجفا عندى ولا الذل بالفيّ
والله لا اهجرك قبل لاتهجريني
اجل تبيعني.. واجي لك برجليّ؟
يا تتركين الكبر يا تتركيني
لان المحبة شي.. والمهزلة شيءّ
ان كانت الدعوة غلاي وحنيني
بكرة يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ

حامد زيد

الموضوع الأصلي: والله وصرتي تستهنين فيني وأنا الذي سويت لك قدر بيدي || الكاتب: تكفيني الذكرى || المصدر: منتديات هبوب الجنوب

www.h-aljnoop.com

كلمات البحث