كل جرح يهون الا الجرح القديم
قد عطيتك وانت ما ضنك لئيـم...
والنصيحة لليالي تذكره...
لا تحرك جرح الماضي الأليـم...
ولا تحسب ان طول بعدك طهره...
كل جرح يهون يالجرح القديـم...
وكل شي مضى معك اذكــره...
جرحي وذكراك والليل البهيـم...
حزت بفؤادي مثل المنشـره...
العذول غراب وانا اكبر غشــيم...
والجروح الماء وطاريك حجره...
والزمان اكرم من الحظ الكريـم...
لانفتح لي باب صوبك سكـره...
وحبك اللي لا طرى لي رحت أهيــم...
قمت أحسب أصغر كلامـك وأكبره...
ليتني عاد الهوى توه فطيـم...
انعذلت لعاذلي بس خيـره...
ما لقيت من الوفا يا أول نديـم...
كون صدق الحزن وجهه وظهـره...
عقب رمح الشوق في وجـه الصمـيـم...
سيف هجرك في قفاه وشف ثـره...
وانت شكلك تحسب اني في نعيـم...
لاني اخبي صوابي واستـره...
لا يغرك حلـم رجال حليــم...
مهون الي من سكوته فجـره...
ولا تحسب الجفن من دمعه عقــيم...
يستحي منك ولي اقفيـت أنثره...
ولا يغرك وأن بدا جسمي سليـــم...
والله جسمي سمار للمقبــره...
والله انه أمر من ضحك الغريــم...
شوف حقي بين اياديه اشـكره...
والله انه أمر من دمع اليـتيم...
ومن دمعة الرجال من فرقة مــــــــــره....
"ارجو ان تنال الاعجــاب "
|
|
|
|