منتديات هبوب الجنوب - عرض مشاركة واحدة

#1 01-09-2010

أنا وشلون أعيش اليوم باقي العمر من دونك
حبيبي لا تطوّلها ذبحني الشوق بغيابك
عسى ماشر وش الي صار ؟ علمني وانا عونك
ولكن لا تخليني فديت أهلك .. ومن جابك

عيوني ما تنام الليل .. ألا يا حظّها عيونك
تنام الليل ما تدري وش الي صار بأسبابك
يقولون فـ غيابك : تاركك وآكيد بيخونك
وأقول آبوك يالعاذل على آبو من تعزوا بك
أبيك تصير سجّاني وأنا باصير مسجونك
أبيك تحطني نخلة .. وأنا باعيش بترابك
أبيهم يكتبوني في سطور الحب مجنونك
أبي أصبح رواية عشق في صفحات بكتابك
أنا فيني خليط من الغلا والشوق يرثونك
أنا ودي أكون أول ... وآخر حب ينتابك

حبيبي ضحكتي ودمعه لقاك اليوم يدعونك
وتشقيني هموم مفارقك والبعد وأشقا بك
وأنا ما ظنتي أقدر أكمّل يومي بدونك
كفااااية لا تطولها .. "ذبحني الشوق بغيابك"
وانا اعيد كفااااية لا تطولها .. "ذبحني الشوق بغيابك
ــــــــــــــــــــــــــــــ
مما راق لي

الموضوع الأصلي: ذبحني الشوق بغيابك || الكاتب: كانت ذكريات || المصدر: منتديات هبوب الجنوب

www.h-aljnoop.com

كلمات البحث