28-09-2023
|
|
|
|
|
|
الحب فطره في قلوب المخاليق
الحب فطره في قلوب المخاليق
من قيمته يجمع قلوبٍ كثيره
حتى ولو انه حظوظ وتوافيق
الناس في دربه تحث المسيره
ياما تغنو بالغرام العشاشيق
شوق وغلا واحساس متعه وغيره
أحدٍ يحلّق في سما الحب تحليق
واحدٍ يعوّد بالدموع الغزيره
وانا خفوقي تملكه عذبة الريق
ام العيون الناعسات الخطيره
اللي تمكن حبها بالمعاليق
واصبح خفوقي في يديها مصيره
اليا حكت ينزاح عن صدري الضيق
واردد بيوت الغرام المثيره
وان ناظرت من زينها اغيب وافيق
كن القمر نازل لشبه الجزيره
احبها حبٍ عليه المواثيق
انا فدى لعيونها المستديره
في غيرها مالي مطامع ولا اطيق
هي بالخفوق الاوله والأخيره
|
|