12-04-2020
|
#464
|
بعد إذنك :
ــــــــــــــــــــــــــــــــــــــــــــــــــ ــ
بعد إذنك ممكن أكتب
سطر واحد من الحكاية
أصل دم القلب نازف
وإنتى عارفه
إنى حاسس كل
حرف من المشاعر
وإنى شاعر نهره جف
وإن صف الحجز طال
واللقا...أصبح محال
بعد إذنك
تسمحيلى بسطر تانى
ما إنتى عارفه
إن نُص الحلم خدعة
وإنى بدعة
عاش فى وهم
إن نَص المسرحية
اتكتب علشان عينيه
وفى النهاية
ماشافشى شئ
وإن بحر الشوق فى قلبه
كان سراب
عدّى باب الحلم لحظة
فاكتشف
إن حلمه مالوهشى باب
وإن ريح الغربة هب
والفراق أصبح قرار
بعد إذنك تسمحيلى
إنى أموت
قبل ما يشدوا الستار
|
|
|
|