منتديات هبوب الجنوب - عرض مشاركة واحدة

اوسمتي · #1 14-12-2018

شيلة : غلا روحي / كلمات : العنود ال ثاني / أداء : ناصر العيافي

=================

لا تاخذ القلب مني ياغلا روحي
لا ابطيت عني نزعت القلب وعروقه

والخاطر اللي معك تلقاه مشروحي
لا رحت عني تزايد يالغلا عوقه

هتان مزنك هما في مهمه جروحي
تعشب رياضك بقلبي ويزدهر شوقه

برق الغلا في عيونه شفته يلوحي
فديت قلبه انا وفديت معلوقه

ناديت قلبه وقلبه يسمع ويوحي
عاشق يحس بوله وأشواق معشوقه

أبوح له بالغلا وبشوقه يبوحي
ويهب منه الضيا واعانق شروقه

حبه باقصى الحنايا شيد صروحي
وشوقي تعدا السحاب ومعتلي فوقه

له امنياتٍ تشابه بالغلا طموحي
وشوقي وذوقي يشابه بالهوى ذوقه

مشعل حطب خافقي ودلاله تفوحي
له مجلسٍ بالحشا محفوظه حقوقه

هبت هبايب وصاله وانتشت روحي
وأرقب سحابه هما واخايل بروقه

شوفه ربيع الحشا وتشتاقه جروحي
تشفا بقربه وقلبي تبرد عروقه

كلما اتفيّا غلاه بوارف الدوحي
تورق غصون الحنين وتثمر عذوقه

الموضوع الأصلي: شيلة : غلا روحي || الكاتب: الوافي || المصدر: منتديات هبوب الجنوب

www.h-aljnoop.com

كلمات البحث
برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

النايفة ,غرام الورد ,عروبة وطن معجبون بهذا