منتديات هبوب الجنوب - عرض مشاركة واحدة

اوسمتي · #1 18-05-2022

نوفي مع الوافين في كل الأوقات
ونحفظ جميل آهل الفعول الجميله

واهل الفعول الكايده والبطولات
واهل الكرم والعز فوق المخيله

ولو دارت الايام بعد ومسافات
يبقى الوفاء ما غاب يومن وليله

وان مر طاريهم سلام وتحيات
وأنعم تنصا من تبيه وتجيله

ما نلتفتت لمروجين الإشاعات
ونشوم عن طرد الهروج الهزيله

ونكرم عن مخاو قليل المروات
أهل الردى وأهل اليدين البخله

وان جات بالفزعات وقت والامهمات
يبشر بنا واللي ينادي انعديله

نثبت ليا من صار بالوقت ميلات
ونقدم على فعل الفعول الجزيله

و نظراتنا تشبح نجوم المجرات
ومجلاسنا بالعز راس الطويله

وان غارت الاحزان ل صدري مغيرات
سيفي قصيدي ينطح المستحيله

وان غابت الافراح قفت ولا جات
صبري جبل شامخ ولاحدن يزيله

نثبت لها وكل الصعايب سهلات
ونجسر على الكايد ونفني حصيله

وللمرجله عز ن و للفعل وقفات
وآنا زبون الكايده والثقيله

لخابت الهقوا بذا ، وانت بذات
وبار الرفيق وطاح وزنه وكيله

قيدت هقوتي .. ولا أسوق شرهات
وعزيت نفسي .. واردي ما نجيله

وعن ماضي الرفقه ترامثل الاموات
كفتنها .. ودفنتها .. بالنثيله

لـ عبدالمجيد سعد الرشيدي

الموضوع الأصلي: نوفي مع الوافين في كل الأوقات || الكاتب: الوافي || المصدر: منتديات هبوب الجنوب

www.h-aljnoop.com

كلمات البحث
برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

العذوب ,جوريه معجبون بهذا