07-05-2022
|
|
|
|
|
|
الناس ما خلقت حواليك ترضيك - الشاعر عكاش بن غزاي
الناس ماخلقت حواليك ترضيك
مثلك مقادير الولي .. تعترضها
أخير لك لاتندفع في هقاويك
تلمس الاعذار والا أفترضها
مافيه شي الا اليا راد واليك
ولافيه صعبه كان ربك فرضها
اللي ماتقسم ماتجي في مراميك
لو كان تلحم بندقك وتحفظها
ورمي الركاده غير رمي التماتيك
والفرق في هذي وهذي غرضها
اكحل عدوك من سعادة مصافيك
ولايشغلك غيب القلوب ومرضها
يظهر صديقك ويتبين معاديك
وكذا الحياة بما تلاقيك خضها
وسع مفاهيمك وجود مباديك
وكرامتك عن مايشوب انتهضها
دايم جناحين المعزه تعليك
بالك لحاجات النفوس تخفضها
الا الوفا خل الوفا في مساعيك
عملة رجال أتعدها وتحفظها
ياصاحبي في وقفتك كيف اجازيك
وانا ادري انك ماتدور عوضها
مايجعل الاحرار مثل المماليك
الا معاريف الرجال ببعضها
الشاعر عكاش الذيابي
|
|