منتديات هبوب الجنوب - عرض مشاركة واحدة

#1 01-12-2018

هديته عمري عسـى بـس تسعـدك

ليه الحروف تغآر من يـوم مولـدك
وش هوله الغيره وهي ذآيبـه فيـك

وليه الهدآيآ تعجـز اليـوم تسعـدك
دآم الهدآيآ شفّهـآ تلمـس يديـك

وليه الورود اليآنعـه جـت تعآيـدك
لا صآر حتى العطر منهـا يخآويـك

وليه القصيد اللـي كتبتـه معآهـدك
ما ينكتب لـالغيير لو كآن يرضيـك

وليه العيون اللي قدرهـآ تشآهـدك
تضمى وصآلك وانت حآضر وتبكيـك

وليه الخفوق اللي يـودّك ينآشـدك
بسمة رضى تحيي عروقٍ مهآليـك

وابسألك ليه الغـلآ صـآر يقصـدك
من بدّ خلق الله رضى انه يصآفيـك

وان كان تنشد ليه اسآيلك وانشـدك
بـاجاوبك والشوق لـالشوق يدعيك

ما تدري انّي فـالمحبـه مجآهـدك
وانـي ارد القـوم عنّـك وادآريـك

ما تدري انـي لا تركتـك اعـآودك
واشتآق لك وادري تزيد بـتغليـك

واتآبعك من بد هـالنآس وارصـدك
مآ كني الا حـآرسٍ لـك وارآعيـك

يا شمعةٍ فيني متى بـس بـاوقـدك
واشـوف دربٍ يتجـه لـك ينآديـك

يا سآكنٍ قلبي عـن العيـن مـابعـدك
ويا ظلم وقتٍ صآر يقبـل تجآفيـك

لكن ورب البيـت شفنـي ابوعـدك
ابقى على طول الأمد لـك وشآريـك

لا رحم ابو قلبٍ مـن الشـوق يجحـدك
لا صار ما هو مخلصٍ لـك ويفديـك

ويا لعنبو روحٍ من الحـب تزهـدك
وش لي بـروحٍ تعجز اليوم توفيـك

وش لي بـروحٍ شوقها ما يسآنـدك
ما ارضى بـقولة خلك اليوم نآسيك

وارجوك طيف البعـد لا لا يـرآودك
تبقى وتبقى سآكـنٍ قلـب مغليـك

ما ابغى تقول اني مع الوقت بـافقدك
يا حبي اللي وسط الأعمآق مخفيـك

شفها الهدآيآ تبتهـج يـوم مولـدك
لكن قصيدي حآلـف اليـوم يهديـك

هديته عمري عسـى بـس تسعـدك
والخوف كل الخوف ما هي بـترضيـك

لا والله الا الخوف لا جيـت بنشـدك
وش هي غـلآة اللي يحبك ويغليـك

الموضوع الأصلي: هديته عمري عسـى بـس تسعـدك || الكاتب: بسمة امل || المصدر: منتديات هبوب الجنوب

www.h-aljnoop.com

كلمات البحث

غرام الورد معجب بهذا